Վենետիկում անցկացվող 60-րդ միջազգային բիենալեի օրերին բացվել է AKNEYE ֆիջիթալ սփեյսը
ՀասարակությունՍ․թ․ ապրիլի 19-ին արվեստի ոլորտի ամենահեղինակավոր ցուցահանդեսի՝ Վենետիկի 60-րդ հոբելյանական բիենալեի մեկնարկի նախօրեին, քաղաքի Ռամո դե լա Տանա 2124ա հասցեում բացվել է AKNEYE ֆիջիթալ սփեյսը:
Կարմիր ժապավենը կտրվել է Fastex-ի համահիմնադիր Վիգեն Բադալյանի և ՀՀ ԿԳՄՍ փոխնախարար Դանիել Դանիելյանի կողմից: Վենետիկը մարդաշատ էր այս գողտրիկ անկյունում, որտեղ հայտնի արտիստներ Րաֆֆի Ետալեանը և Էլենե Մետրևելին ներկայացրել են սեփական արվեստի գործերը։ Ներկաները վայելել են միջոցառումը, ծանոթացել NFT-ների յուրօրինակ աշխարհին և ձեռք բերել նոր ծանոթություններ՝ հիմք դնելով հետագա համագործակցության համար:
«AKNEYE տաղավարը նման չէ որևէ այլ թվային տիրույթի. այստեղ ընդգծվում է արվեստի ապագայի տեսլականը, որտեղ սահմաններ չկան, իսկ այդ անսահմանության մեջ ծնվում է յուրահատուկ կապ ստեղծագործողի, դիտողի և միջավայրի միջև», - ընդգծել է Fastex-ի համահիմնադիր Վիգեն Բադալյանը:
ՀՀ ԿԳՄՍ նախարարի տեղակալ Դանիել Դանիելյանը հայտարարել է, որ այս տարի աննախադեպ երևույթ է տեղի ունենում Վենետիկի բիենալեում, քանի որ Հայաստանը ներկայանում է երկու տաղավարով՝ Հայաստանի Հանրապետության պաշտոնական տարածքով և AKNEYE ֆիջիթալ սփեյսով:
Արվեստի համակարգող Անաստասիա Դոուսոնը նշել է, որ AKNEYE ֆիջիթալ սփեյսն արվեստի ավանդական մոտեցումների և ժամանակակից տեխնոլոգիական լուծումների զուգադրումն է: Քանդակի և NFT տեխնոլոգիայի համադրությունը հնարավորություն է տալիս դիտորդներին տեսնել նոր իրականություն՝ միաձուլելով ֆիզիկական և թվային աշխարհները:
Բիենալեի ընթացքում AKNEYE-ի ֆիջիթալ սփեյսը ներկայանում է որպես ոչ մրցութային նախագիծ՝ իր աջակցությունը ցուցաբերելով հայկական ազգային տաղավարին: Սփեյսում ցուցադրված են բազմաթիվ հայ և միջազգային ճանաչում վայելող օտարազգի ստեղծագործողների աշխատանքները՝ նպատակ ունենալով խթանել հայկական մշակույթի պատշաճ ներկայացումն ու տարածումն արտերկրում:
Ցուցադրությունը կավարտվի ս․թ․ նոյեմբերի 24-ին: Մինչ այդ կա հիանալի հնարավորություն՝ այցելելու հիասքանչ Վենետիկի սրտում գտնվող նորաբաց AKNEYE ֆիջիթալ սփեյս:
Աշխարհում երրորդ ֆիջիթալ NFT սփեյսն է, որտեղ ձուլվել են թվային և ֆիզիկական աշխարհները: Այստեղ կարելի է բացահայտել NFT-ներն իրենց ֆիզիկական ձևաչափով և գնել ինքնատիպ արվեստի գործեր: AKNEYE ֆիջիթալ սփեյսը բաց է համագործակցության առաջարկների համար: Հեղինակավոր բիենալեի օրերին Վենետիկում գտնվող այս հիասքանչ անկյունում մինչև նոյեմբերի 24-ը կողք կողքի կքայլեն արվեստն ու տեխնոլոգիան:
AKNEYE Phygital Space-ի մասին
![](disc/23-04-24/e691a6b04eff6fb4ad4bc1c944586f1a.jpg)
![](disc/23-04-24/a5a777a778b0ba71c34df272819be62d.jpg)
![](disc/23-04-24/319751f9c4ce7b89a6ce913321fb01c3.jpg)
![](disc/23-04-24/2b826fc15b2f58c7c3e0962ed1085bbe.jpg)
![](disc/23-04-24/49aafb0649c2b1818b51c503e6df9024.jpg)
![](disc/23-04-24/ed357e119606bbdb3848d80f143192b6.jpg)
![](disc/23-04-24/f7b0d28386a360cdbb2c69de109c72b9.jpg)
![](disc/23-04-24/b150a9b1848eb230ae7880be95efa67a.jpg)
![](disc/23-04-24/0fd40c9abb7affc6c339c7d93ac2f8ec.jpg)
![](disc/23-04-24/806eccb83430513cab259a452cbf69dc.jpg)
![](disc/23-04-24/36e08d7c9861c027f58f755d5bbd2cf7.jpg)
![](disc/23-04-24/d83b080310d5f45e785f2a13b273be02.jpg)
![](disc/23-04-24/a6541141552f034888d559c951cb7c73.jpg)
![](disc/23-04-24/0b959b7c097eab84b9ba5e89c750d832.jpg)
![](disc/23-04-24/e38fb5e8cb018d47f5f2771b1b2dbff1.jpg)
![](disc/23-04-24/83e928b7f9d7089e3d1e4db04241e959.jpg)
![](disc/23-04-24/0e52db91c389cefb241c486902dfd073.jpg)
![](disc/23-04-24/f50b7b1c1a21a124c5664b38f51b40a2.jpg)
![](disc/23-04-24/8d3eb44df8b0c17fc48d11d8675366c1.jpg)
![](disc/23-04-24/81069a3cb10c73b09cd4aa9c14005bd6.jpg)