Թաղման օրն է, բայց Նավալնու աճյունը դեռ չեն հանձնել․ ի՞նչ է կատարվում Մոսկվայում (լուսանկարներ)
ՄիջազգայինՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Կրեմլը ոչինչ չունի ասելու Ալեքսեյ Նավալնիի հարազատներին նրա հուղարկավորության օրը։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։ Նա հիշեցրել է, որ «նրանք, ովքեր Նավալնու թաղման օրը կմասնակցեն չարտոնված ցույցերին, օրենքով պատասխանատվության կենթարկվեն»։
Հարցին, թե Կրեմլը կարո՞ղ է գնահատել Նավալնու գործունեությունը, Պեսկովը հավելել է. «Ոչ, չի կարող գնահատական տալ»։
Հիշեցնենք, որ Նավալնիի հրաժեշտը նախատեսված է մարտի 1-ի կեսօրին՝ Մոսկվայի Մարինո շրջանի ուղղափառ եկեղեցում (hենց այդ շրջանում էր ապրում փետրվարի 16-ին կալանավայրում մահացած ընդդիմադիր գործիչը)։ Հուղարկավորությունը նախատեսված է մոտակայքում՝ Բորիսովի գերեզմանատանը։
Այս պահին բազմաթիվ քաղաքացիներ շարժվում են դեպի Սուրբ Աստվածամոր պատկերի եկեղեցի, թեև, ինչպես նշել է քաղաքական գործչի նախկին մամուլի քարտուղար Կիրա Յարմիշը, Նավալնու աճյունը դեռևս չեն հանձնել հարազատներին։ Նա նշել է, որ առավոտյան 10-ին պետք է դիահերձարանը հանձներ աճյունը, սակայն դեռ չեն արել։ Յարմիշը զգուշացրել է, որ հուղարկավորման արարողության գրաֆիկը կարող է փոփոխություններ կրել։ Ավելի վաղ նա հայտնել էր, որ սգո ծառայությունները հրաժարվել են սրահ և դիակառք տրամադրել՝ իշխանությունների ճնշման ներքո։
Հավելենք, որ եկեղեցու մոտակայքում ոստիկանական մեծաքանակ ուժեր են կենտրոնացել, ուղեփակոցներ են դրվել, ստուգվում են քաղաքացիների անձնագրերը։