Ռուսաստանը սկսել է պատժել հայկական բիզնեսին

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

MediaHub-ի տեղեկություններով՝ ռուսական մի շարք խոշոր ընկերություններ սկսել են հրաժարվել Հայաստանից արտահանումներից:

Մասնավորապես, մեզ հետ զրույցում կոնյակ արտադրող ընկերություններից մեկից հայտնեցին, որ «Магнит» սուպերմարկետների ցանցը հրաժարվել է իրենցից կոնյակ մատակարարել: Ընդ որում նշել են, թե ինչու՝ «по политическим соображениям»: Կոնկրետ այս ընկերության պարագայում՝ խոսքը ամսական մի քանի տասնյակ հազար շշի արտահանման մասին է. 

«Սա լուրջ հարված է մեզ, քանի որ մենք զրկվում ենք խոշոր շուկայից և հայտնի չէ, թե ինչ ժամկետով»,- ասաց մեր զրուցակիցը:

Վերջինս նաև նշեց, որ վախենում են, որ սա շղթայական էֆեկտ կունենա և հայկական արտադրանք ներկրող ռուս գործարարները հերթով կսկսեն հրաժարվել: Հատկապես, որ հայ-ռուսական հարաբերությունները շարունակում են արագորեն գահավիժել դեպի անդունդ:

Փորձեցինք այլ ընկերություններից ևս ճշտել՝ շարունակվում է արտահանման գործընթացը, թե ընդհատվել է:

Այդպես, «Noy Factory»-ից (Երևանի Արարատ Կոնյակի-Գինու-Օղու Կոմբինատ) նշեցին, որ իրենց մասով խնդիր չկա․ «Մենք շարունակում ենք մեր ապրանքի մատակարարումը Ռուսաստան»,- հայտնեցին «Noy Factory»-ից։

Հուսադրող էր նաև «MAP Wine and Brandy Factory»-ից (ՄԱՊ գինու-կոնյակի գործարան) ստացված պատասխանը։ 

«Մենք այդպիսի ինֆորմացիա չունենք։ Շարունակում ենք մատակարարել»,- ասացին MediaHub-ին:

Ավելին՝ այստեղ