Ես անուններով կսկսեմ խոսել․ Լուսինե Բադալյանը բարկացավ Ավանեսյանի հարցից և դուրս եկավ քննարկման սենյակից
ՔաղաքականությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
ԱԺ առողջապահության հարցերի մշտական հանձնաժողովի հերթական նիստի ժամանակ քննարկվող հարցերից մեկը «Բնակչության բժշկական օգնության և սպասարկման մասին օրենքում փոփոխությունների նախագիծն էր։ Նախագծով առաջարկվում է մասնագիտական զարգացման և համապատասխան կրեդիտներ հավաքելու նպատակով դասընթացների մասնակցող բուժաշխատողների տեղը և ֆիքսված աշխատավարձը պահպանել։ ԱՆ նախարար Անահիտ Ավանեսյանը նշեց, որ սա ավելացնելու է ֆինանսական բեռը և գործատուները համաձայն կլինեն նախագծին, եթե պետությունը իր վրա վերցնեի այդ ֆինանսկաան բեռը, ինչը հունից հանեց նախագծի հեղինակներից Լուսինե Բադալյանին, ով ասաց, որ շուրջ վեց ամիս է նախագիծը քննարկվում է և ամեն անգամ քննարկումը մտնում է փակուղի։
«Մենք նորից մտնում ենք փակուղի, այսինքն՝ զրոյից պետք է սկսենք քննարկումը, արդեն բոլորը անգիր արեցին այս նախագիծը։ Բայց, եթե քննարկումը լինելու է այս տարբերակով, ես անուններով կսկսեմ խոսել, թե ո՞ր հիվանդանոցի տնօրենը ի՞նչ է ասել։ Մեկը ես, գնացել եմ բոլոր պոլիկլինիկաները, հիվանդանոցները, խոսել եմ տնօրենների հետ և նրանց 90 տոկոսը ողջունել է նախագիծը, շատ ուրախացել են և հաստատել, որ դա ֆինանսական բեռ չէ։ Անուննեով կսկսեմ խոսել, թե ինչպես է քննարկումը գնում, մտնում փակուղի»,- ասաց Բադալյանը և զայրացած դուրս եկավ հանձնաժողովի սենյակից։
1
2
3
4
5
1
2
3
4
5
3
