Թուրքիան խնդրանքով դիմել է Ռուսաստանին
ՄիջազգայինՓնտրում եք բարձր վարձատրվող աշխատանք՝ սեղմեք ԱՅՍՏԵՂ
Թուրքիան Ռուսաստանին խնդրել է հետաձգել բնական գազի մատակարարման վճարների մի մասը մինչև 2024 թվականը, հայտնում է Bloomberg-ը՝ հղում անելով աղբյուրներին։
Թուրքական պետական էներգակիրներ ներկրող Boru Hatlari ile Petrol Tasima AS-ը կամ Botas-ը ձգտում է հետաձգել վճարումների մի մասը մինչև 2024 թվականը:
Միաժամանակ, ինչպես նշել են գործակալության զրուցակիցները, դեռ պարզ չէ՝ հաջողությամբ կպսակվեն արդյոք այդ բանակցությունները։
Ըստ ԶԼՄ-ների՝ Թուրքիայի կախվածությունը էներգակիրների ներմուծումից մեծացրել է ճնշումը նրա արժույթի և բյուջեի վրա։ Այսպիսով, տարեսկզբից թուրքական լիրան դոլարի նկատմամբ արժեզրկվել է ավելի քան 28 տոկոսով։ Նշվում է, որ սա արգենտինական պեսոյից հետո զարգացող շուկաների մեջ ամենամեծ ցուցանիշն էր։
Միևնույն ժամանակ, օգոստոսին Թուրքիայի առևտրային դեֆիցիտը նախորդ տարվա նույն ամսվա համեմատ աճել է ավելի քան երկու անգամ և հասել 11,2 միլիարդ դոլարի, հայտնում է Bloomberg-ը։
Ավելի վաղ գործակալությունը գրել էր, որ Թուրքիայի նախագահ Ռեջեփ Թայիփ Էրդողանը ձգտելու է ռուսական գազի 25 տոկոս զեղչին։
Ավելի ուշ Մոսկվան ու Անկարան պայմանավորվեցին, որ վերջինս կվճարի երկրին մատակարարվող ռուսական վառելիքի 25 տոկոսը ռուբլով։
Նյութը հրապարակման պատրաստեց Pressmedia.am կայքը