Անկարայում և Ստամբուլում բողոքի զանգվածային ցույցեր են
Ուշադրության կենտրոնումԹուրքական լիրայի փոխարժեքի անկման ֆոնին Թուրքիայի մի շարք քաղաքներում, այդ թվում՝ Ստամբուլում և Անկարայում, բողոքի ցույցեր են տեղի ունենեցել՝ գրում է Interfax-ը։ Ցուցարարները պահանջել են Էրդողանի կառավարության հրաժարականը։ Ակցիաներն անցել են ոստիկանների հետ բախումներով, ցույցերի մասնակիցներին ցրելու համար կիրառվել են հատուկ միջոցներ, կան բերման ենթարկվածներ։
Թուրքական լիրան արժեզրկման նոր ռեկորդ է սահմանել, դառնալով աշխարհում ամենից շատ արժեզրկված դրամական միավորը: Մեկ դոլարն արդեն արժե մոտ 13 լիրա։ Վերջին 12 ամսվա ընթացքում ամերիկյան դոլարի նկատմամբ թուրքական լիրան արժեզրկվել է ավելի քան 35 տոկոսով:
Էրդողանի ներկայիս քաղաքականությունը բնութագրվում է որպես տնտեսական նոր մոդելի անցման փորձ: Կառավարությունը նվազեցնում է բանկերի վերաֆինանսավորման տոկոսադրույքները, ինչը հանգեցնում է նաև լիրայի արժեզրկման: Այդ կերպ Էրդողանը նպատակ ունի բարձրացնել թուրքական ապրանքների մրցունակցությունը և խթանել արտահանումը: Այդ քաղաքականությունը, սակայն, հանգեցրել է նաև աննախադեպ գնաճի՝ առաջացնելով հանրության ու քաղաքական շրջանակների դժգոհությունը:
1
2
3
4
5
1
2
4
5
1
2
3
5
