«Հայոց արծիվները» միշտ Արցախի կողքին են
Վերլուծություն
«Հայոց Արծիվներ. Միասնական Հայաստան» կուսակցությունն այն եզակի քաղաքական ուժերից է, որ մշտապես եղել և գտնվում է Արցախի կողքին։
Ի տարբերություն այլ քաղաքական ուժերի, գործիչների, որոնք միայն պատեհ առիթով են հայտնվում Արցախում, կամուֆլյաժով նկարվում և ցրվում, «Հայոց արծիվներն» ու կուսակցության նախագահ, գնդապետ Խաչիկ Ասրյանը Արցախի կողքին են թե՛ ուրախ, թե՛ տխուր օրերին, ռազմի դաշտում ու խաղաղ պետականաշինության ժամանակ։
Արցախի նախագահ Արայիկ Հարությունյանը երեկ ընդունել է «Հայոց Արծիվներ» կամավորական ջոկատի մի խումբ ներկայացուցիչների՝ հրամանատար Խաչիկ Ասրյանի գլխավորությամբ: Հանդիպման ընթացքում անդրադարձել են Արցախի հիմնախնդիրներին՝ քննարկելով ինչպես անվտանգության, այնպես էլ տնտեսության ոլորտներին առնչվող մի շարք հարցեր:
«Հայոց Արծիվներ» կամավորական ջոկատի հրամանատարը կոչ է անում աշխարհասփյուռ հայությանը օր առաջ լինել Արցախում, համախմբվել Արցախի, Արցախի Նախագահի և Արցախում բնակվող ժողովրդի շուրջ, կառուցել ու շենացնել վիրավոր Արցախը:
Հայոց արծիվների կամավորները մասնակցել են նաև Ապրիլյան պատերազմին, իսկ 2020թ-ի պատերազմի ժամանակ մասնակցել են Մարտունու շրջանի պաշտպանությանը և անառիկ պահել Մարտունին։ Խաչիկ Ասրյանը արցախյան երեք պատերազմների ակտիվ մասնակից է, ամիսներ առաջ էլ Արցախի նախագահը «Մարտական Խաչ» 1-ին աստիճանի շքանշան էր հանձնել նրան։
Խաչիկ Ասրյանը երբեք չի ընկրկել իր քաղաքական սկզբունքներում, եղել է գործող իշխանությունների ամենաթունդ քննադատը նույնիսկ այն պահին, երբ մյուսները լռում էին։ Այսօր էլ նա Հայաստանում քննադատում և ընդդիմադիր գործունեություն է ծավալում Հայաստանի թուրքահպատակ իշխանությունների դեմ։
Նարեկ Սիմոնյան
1
2
3
4
5
1
2
4
5
3
5
