Նախազգուշացում Հայաստանին Իրանից
ՎերլուծությունLragir.am-ը գրում է. Գորիս-Կապան ճանապարհին ստեղծված իրավիճակի վերաբերյալ Արմենպրեսի հարցմանն ի պատասխան Երեւանում Իրանի դեսպանատունը մի շարք ուշագրավ շեշտադրումներ է կատարել։ «Այս երկկողմանի ճանապարհի անվտանգությունը, ի լրումն, կարող է ցույց տալ Հայաստանի հուսալի դիրքը տարածաշրջանում ենթակառուցվածքների խոշոր նախագծերի առաջխաղացման համար: Անկասկած, այն, ինչ վերջին ամիսներին առաջարկվում էր որպես նպատակ՝ վերացնել տարածաշրջանի տրանսպորտային ուղիների արգելափակումը, նույնպես այս ձևաչափով է, որ արդիական է դառնում», մասնավորապես ասվում է դեսպանատան պատասխանում:
Հայաստանն ի վիճակի՞ է երաշխավորել իր ճանապարհների անվտանգությունն ու հուսալիությունը, եւ արդյոք առաջարկվող «հաղորդակցությունների ապաշրջափակումը» բխում է Հայաստանի՝ իր հաղորդակցությունների հանդեպ ինքնիշխանությունից, ինչն առավել խոշոր նախագծերի առաջխաղացման երաշխիքն է՝ սա է այս պարբերության իմաստը։
Խոշոր նախագիծը Հնդկաստան-Իրան-Հայաստան-Վրաստան-Սեւ ծով-Եվրոպա հաղորդակցական նախագիծն է, որը «խաչվում» է ռուս-թուրքական «միջանցքին»՝ Հայաստանի հարավի օկուպացմամբ ու Հայաստանը Իրանից կտրելով։ Իրանը դիմակայում է այս նախագծին, առաջարկելով իր տարածքը ռուս-թուրքական հաղորդակցության համար։ Ռուս-թուրքական այս ծրագիրն ուղղված է նաեւ Իրանի մեկուսացմանը եւ քաղաքական-անվտանգային լուրջ խնդիրներ է առաջացնում Թեհրանի համար։
Մոսկվան ու Անկարան ներկայում ձգտում են սադրանքներով, շանտաժով ու խոստումներով համոզել Իրանին՝ միանալ իրենց նախագծին։ Ժամանակին Լավրովն էր խոստանում, որ Հայաստանի հարավում ռուս-թուրքական ծրագիրը չի հարվածի Իրանի տնտեսական ու քաղաքական շահերին, սակայն Թեհրանում հակված չեն հավատալ այս դատարկաբանությանը։
Ավելին՝ այստեղ