Հայկական տնտեսության ճգնաժամային վիճակը․ պանդեմիան և պատերազմը քայքայել են ՀՆԱ-ն
ՎերլուծությունEadaily.com-ը գրում է, որ Ազգային ժողովի կողմից հաստատված 2021 թվականի պետական բյուջեի համաձայն` Հայաստանն անցած տարին ավարտել է 7,9% տնտեսական անկմամբ: Սակայն սա վերջնական ցուցանիշ չէ: Երբ 2019 թվականին հաստատվել էր 2020 թվականի պետական բյուջեն` նախատեսվում էր, որ կլինի 4,8% տնտեսական աճ:
Լրագրողները նախարար Քերոբյանից հետաքրքրվել են, թե տնտեսության որ ոլորտներում է անկումն առավել ակնհայտ: «Ներմուծում, արտահանում, սպառում: Այդ երեք ոլորտներումառկա է շուրջ 20% անկում», -ասել է նա: Հարցին, թե, ըստ նախնական տվյալների ինչպիսին կլինի վերջին 12 ամիսների տնտեսական անկումը, էկոնոմիկայի նախարարության ղեկավարը նշել է` ՀՆԱ-ի 8.5%-ոց անկում:
Այնուամենայնիվ, Քերոբյանը, որը վերջերս է դարձել նախարար, նշել է, որ իր «կարծիքը և լավատեսությունը տնտեսության վերաբերյալ չեն փոխվել»: Ըստ նրա «իր նպատակը երկնիշ տնտեսական աճն է»: 2021 թվականի պետական բյուջեի համաձայն Հայաստանի տնտեսությունը կաճի 3.2% -ով: Հաշվի առնելով նախորդ տարվա անկումը, ստացվում է, որ 1990-ականների սկզբին, անկախության հռչակումից ի վեր, Հայաստանը միայն հինգ տարի է տնտեսական անկում ունեցել. 1991-ին` 11,7%, 1992-ին` 41,8%, 1993-ին` 8.8%, 2009-ին` համաշխարհային ֆինանսատնտեսական ճգնաժամի պատճառով` 14.1% -ով, և 2020 թվականը:
Նշենք, որ Հայաստանում տնտեսական ծանր իրավիճակն ուղեկցվում է սուր քաղաքական ճգնաժամով` կապված ղարաբաղյան հակամարտությում հանրապետության ցավալի պարտությամբ: Տնտեսությունը ծայրահեղ ծանր վիճակում էր գտնվում նույնիսկ մինչև ռազմական գործողությունների սկսվելը` կապված Covid-19 կորոնավիրուսային վարակի հետ: Պատերազմը մեծացրել է պետական բյուջեի բեռը: Տեղի փորձագետների կարծիքով` պատերազմի արդյունքում Հայաստանի ուղղակի և անուղղակի կորուստների ծավալը գնահատվում են միլիարդավոր դոլարներով:
Արմեն Սիմոնյան