Կրեմլի ոչ օֆիցիալ խոսնակը ծաղրական անդրադարձ է կատարել ՀԱՊԿ նիստում Նիկոլ Փաշինյանի հեռախոսների պատճառով բարձրախոսով նրա ձայնի կտրվելուն. Mediaport
Ուշադրության կենտրոնումՌուսական «Կոմերսանտ» պարբերականը հրապարակել է հատուկ թղթակից Անդրեյ Կոլեսնիկովի հոդվածը՝ նախօրեին տեղի ունեցած ՀԱՊԿ նիստի մասին։ Կոլեսնիկովը, ով հայտնի է որպես Կրեմլի ոչ օֆիցիալ խոսնակներից մեկը, ծաղրական անդրադարձ է կատարել Նիկոլ Փաշինյանի մասնակցությանը, նրա ելույթի առանձին դրվագներին, ինչպես նաև ելույթի ընթացքում Նիկոլ Փաշինյանի հեռախոսների պատճառով բարձրախոսով նրա ձայնի կտրվելուն։ Այս մասին կարդում ենք Mediaport-ի տելեգրամյան էջում:
««Հայաստանի վարչապետը, տեսախցիկներից թաքցնելով, գաղտագողի դրանք հրեց իրենից աջ, նա չէր ցանկանում գործընկերների աչքին երևալ, քանի որ այդ ամենը մի փոքր ամոթալի էր երևում»,-գրում է Կոլեսնիկովը՝ միաժամանակ հեգնելով, որ «կապի ժամանակակից միջոցների հետ նման վերաբերմունքով 21-րդ դարում պատերազմ չես հաղթի»։
Շարունակելով հեգնել Նիկոլ Փաշինյանին՝ Կոլեսնիկովը գրում է, որ վերջինս լավ կաներ Լեռնային Ղարաբաղ վերադարձող արցախցիների մասին ավելի հստակ խոսեր, որպեսզի այն արցախցիներն էլ իմանան իրենց անելիքը, ովքեր հետ վերադառնալու տեղ չունեն։
Ավելին՝ այստեղ