Թուրքիայի ներխուժումը չէր կարող չնյարդայնացնել Ռուսաստանին
ՔաղաքականությունՌուսաստանի նախագահ Վլադիմիր Պուտինը հերթական խորհդակցության ժամանակ հայտարարել է, որ Լեռնային Ղարաբաղի հակամարտության կարգավորման հարցը կաևոր է ՌԴ ներքին անվտանգության տեսանկյունից: «Մեզ համար, Ռուսաստանի համար նման տիպի հակամարտությունները և դրանց կարգավորումը հատուկ նշանակություն ունեն մեզ համար և դրանք դատարկ խոսքեր չեն», – ասել է Պուտինը: ՌԴ նախագահը նշել է նաև, որ Հայաստանը և Ադրբեջանը Ռուսաստանի հետ ունեն դարավոր կապեր, որոնք կարևոր են: Ուշագրավ է, որ դարավոր բարեկամների մասին խոսելիս ՌԴ նախագահը չի ցանկացել հիշատակել, որ ադրբեջանա-թուրքական ահաբեկչական տանդեմի կողմից Արցախի դեմ սանձազերծած պատերազմը նաև Ռուսաստանի դեմ ուղղված քայլ էր, քանի որ Թուրքիան, որը լինելով Ռուսատանի դարավոր գործընկերը, այս անգամ որոշել էր բավականին կոպիտ կերպով ներխուժել Հարավային Կովկաս, ռուսական կողմին հստակ հասկացնելով, որ իր նպատակների իրականացման ճանապարհին կարող է նաև անտեսել դարավոր բարեկաման հարաբերություններն էլ, ռուսական գործոնն էլ: Եվ, բնական է, որ ՆԱՏՕ-ի երկրորդ ամենամարտունակ բանակն ունեցող Թուրքիայի ներխուժման փորձը ավանդաբար ռուսական համարվող տարածաշրջան պետք է ոչ միայն նյարդայնացներ Ռուսաստանին, այլև մղեր հստակ քայլերի, իսկ թե որը կլինի Ռուսաստանի հաջորդ քայլը՝ ցույց կտա ժամանակը:
Սերինե Բադալյան