Հիմա այդ ճզմող զորախումբն էլ իր հերթին է մաշվել, որովհետև դա էլ անսպառ չէ․ Արծրուն Հովհաննիսյան
Ուշադրության կենտրոնումՊՆ ներկայացուցիչ Արծրուն Հովհաննիսյանը Factor.am–ի հետ զրույցում անդրադարձավ հարցին, որ հակառակորդի հարվածային ուժերը ոչնչացված են, այլևս չեն կարող մեծ գրոհ կազմակերպել։
«Կային միավորումներ, որոնք կոնկրետ խնդիր ունեին՝ ճեղքում իրականացնելու։ Այդպիսի զորամիավորումները, որպես կանոն 10-20 հազարանոց զորախումբ են, որն ունի հարյուրավոր միավոր զրահատեխնիկա, հրետանի, սեփական օդուժ, բազում քանակի ԱԹՍ-ներ։ Դրանք որպես կանոն լինում են կորպուս կամ կորպուսներ։ Նման զորախմբերը, բնականաբար, օրական կես կամ մեկ կիլոմետր առաջանալու համար չեն ստեղծվում։ Նման զորամիավորումները հաստ պատը ծակելու համար են, իսկ մեր զորքերը հաստ պատ են ձևավորել իրենց պաշտպանական բնագծերով։ Նման զորախմբի խնդիրը, այդ պատը ծակել և օպերացիայի երրորդ-չորրորդ օրը օրական մինչև 15-20 կմ խորանալն է։ Հարվածային բռունցք բառը բնորոշ է նման զորախմբերին։ Ադրբեջանն այս պատերազմում 2-3 նման հարվածային բռունցք ուներ։ Այո, այդ բռունցքները ջարդված են։ Դա բլից կրիգի տապալում էր, որովհետև այդ բռունցքները հենց բլից կրիգ իրականացնելու համար էին ձևավորել»,- ասաց նա։
Բայց, ըստ Հովհաննիսյանի, դա չի նշանակում, որ այդ 20 հազարին ջարդել են հայկական ուժերը։ «Տակն ինչ-որ բան մնում է, դա հավաքվում, դառնում է այլ ստորաբաժանում և մի փոքր այլ խնդրով շարունակում է այլ ձևի կռիվ մղել»։ Հիմա հարավային ուղղությամբ՝ Արաքսի երկայնքով նախորդ 20 օրերին իրենք բլից կրիգը չկարողացան իրականացնել, հիմա սկսեցին ճզմելու գործընթացը՝ անդադար քանակ ավելացնելով՝ դանդաղ հետ մղել, որովհետև ունեին քանակական ու տեխնիկական առավելություն։ Հիմա այդ ճզմող զորախումբն էլ իր հերթին է մաշվել, որովհետև դա էլ անսպառ չէ։
ավելին՝ այստեղ