Եթե շեշտադրենք ռասիզմի փաստը, դա երկրներին ազատ գործելու իրավունք կվերապահի
Ուշադրության կենտրոնում
Միջազգային իրավունքի մասնագետ Արա Ղազարյանն անդրադառնալով «անջատում՝ հանուն փրկության» թեզի ակտուալությանը pressmedia.am-ի հետ զրույցում նշեց, որ միջազգային ասպարեզում այն շրջանառվել է դեռևս նախորդ դարի 50-ական թվականներից: Այն օգտագործվել է թե՛ Բանգլադեշի, թե՛ Կոսովոյի, թե՛ անգամ՝ Մերձբալթյան հանրապետությունների անկախացման ժամանակ: «Այսինքն այս թեզի շրջանակներում աշխատում է մարդու իրավունքների մոդելը, որով շեշտվում է, որ այն պետության կազմում, որում եղել են՝ ենթարկվել են ճնշումների: Բայց, պետք է հաշվի առնել, որ այն դեռևս չի դարձել միջազգային իրավունքի նորմ: Եվ այս իմաստով մենք պետք է կարողանանք երկու խնդիր լուծել՝ ունենալ մարդու իրավունքների կոպիտ խախտումներ արձանագրող փաստեր և կարողանանք այն պատշաճ ներկայացնել միջազգային կառույցներին: Վերջին 20 տարիների ընթացքում մենք ունեցել են փաստեր, կան նաև միջազգային դատարանի դատավճիռներ, միջպետական գանգատներ, որոնք դառնալու են այն փաստակազմը, որի հիման վրա հնարավոր կլինի ցույց տալ, որ 91 թվականից սկսած ռասիզմը դնելով որպես քաղաքականության հիմք, Ադրբեջանը երկար տարիներ վարել է հայատյաց քաղաքականություն: Ի դեպ, ռասիզմի փաստը երկրներին ազատ գործելու իրավունք է վերապահում: Մեր խնդիրն է սա դարձնել միջազգային իրավունքի սկզբունք և դրանով առաջ շարժվել: Ես կարծում եմ, որ այս ճանապարհով մենք կարող ենք հասնել հաջողության»,- ասաց Ա. Ղազարյանը:
Անի Ավետյան
1
2
3
4
5
1
2
4
5
3
5
