Ամբողջ տարածաշրջանը գնում է շատ ավելի մեծ էսկալացիայի
ՎերլուծությունPressmedia.am կայքը դիվանագիտական հարաբերությունների և վարչապետ ՆիկոլՓաշինյանի վերջին ելույթի մասին զրուցել է քաղաքագետ Սարո Սարոյանի հետ։ Հարցին, թե ի՞նչ իրավիճակ է ստեղծվել հիմա դիվանագիտական ճակատում` հատկապես, որ վերջերս վարչապետն իր ուղերձում, կարծես, հրաժարվեց առաջարկվող բանակցային փաստաթղթից` քաղաքագետը պատասխանել է․«Ընդհանուր առմամբ դիվանագիտական ճակատում շատ վատ իրավիճակ է ոչ միայն Հայաստանի, այլ ամբողջ տարածաշրջանի համար։ Այս հարցը պետք է դիտարկել ընդհանուր կոնտեքստում , քանի որ այնպես չի, որ այդ բարդ իրավիճակը Հայաստանի ներգործության, անգործության հետ է կապված։ Իհարկե, միշտ էլ լինում են թերություններ և սխալներ, բայց ընդհանուր առմամբ ամբողջ տարածաշրջանում է լինում։ Մենք այսօր տեսնում ենք Ուկրաինայի ուղղակի աջակցությունը Թուրքիայի և Ադրբեջանի հետ հարաբերությունների կառուցման մի նոր որակի բարձրացման, ծավալների ընդարձակման։ Այնպես որ, ամեն ինչ փոխկապակցված է , և ամբողջ տարածաշրջանը գնում է շատ ավելի մեծ էսկալացիայի և այդ տեսանկյունից, իհարկե, դիվանագիտական քայլերում և դիվանագիտական շփումներում ստեղծվել է շատ բարդ իրավիճակ։ Հունաստանի ԱԳ նախարարն էր եկել և անընդհատ կապը ու սեփական շահերի ներկայացում էր, իրավիճակի վրա ներազդեցություն գործելու և քաղաքականության վարում չկա։ Մեզնից պահանջվում է ամբողջ ծավալով փորձել ներազդել քաղաքական տեղաշարժերի վրա դիվանագիտական բոլոր խողովակներով»։
Անի Ավագյան