Անգելա Մերկելը հեռախոսազրույցներ է ունեցել Փաշինյանի և Ալիևի հետ
ՄիջազգայինԳերմանիայի կանցլեր Անգելա Մերկելը հեռախոսազրույցներ է ունեցել Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ։ Մերկելը քննարկել է հակամարտության լարումը երկու կողմերի միջև։ Այս մասին հայտնում է Tass.ru-ն։ Մերկելն ընդգծել է կրակի անհապաղ դադարեցման և բանակցությունների սեղանի շուրջ վերադառնալու անհրաժեշտության մասին։ Մերկելն ընդգծել է, որ բանակցությունների համար լավագույնը ԵԱՀԿ Մինսկի խմբի ձևաչափն է՝ շեշտելով, որ հարևան երկրները պետք է իրենց ներդրումն ունենան հակամարտության խաղաղ կարգավորման հարցում։