«Այն փաստը, որ հարևան Վրաստանից պետք է օրինակ վերցնել մնում է ուժի մեջ». Գևորգ Գրիգորյան
ՔաղաքականությունՎրաստանում կորոնավիրուսով վարակման դեպքերի կտրուկ աճ է գրանցվում:
Երբ ՀՀ-ում նման չդադարող տեմպ կար, մասնագետները պնդում էին, որ անհարժեշտ է օրինակ վերցնել հարևան պետությունից: Արդյոք հիմա էլ, երբ նման աճ կա, արժե հետևել հարևան երկրի օրինակին: Այս հարցը ուղղեցինք առողջապահության կազմակերպիչ Գևորգ Գրիգորյանին, ով բազմիցս, որպես դրական օրինակ նշել է Վրաստանի փորձը:
Բժիշկ, ուրոլոգ, առողջապահության կազմակերպիչ Գևորգ Գրիգորյանը Pressmedia.am-ի հետ զրույցում ասաց, որ Վրաստանում թվերի աճը անխուսափելի էր, քանի որ կորոնավիրուսը ամբողջ աշխարհում է տարածված.
«Խնդիրը կայանում է նրանում, որ Վրաստանի կառավարությունը կարողացավ ժամանակ շահել, որպիսի աշխարհը կարողանա հայտնաբերել կորոնավիրուսի արդյունավետ բուժումը: Հիմա հարևան պետությունը արդեն իսկ գտնվում է երկրորդ փուլում»:
Pressmedia.am-ը հետաքրքրվեց, ո՞րն է լինելու հարևան Վրաստանի հաջորդ քայլը:
Ըստ առոջապահության կազմակերպչի՝ հիմա Վրաստանը փորձելու է հզորացնել երկրի հիվանդանոցները: Ուշադրությունը հրավիրեց մի կարևոր հանգամանքի վրա: Կարծում է, որ այս ամենը խոսում է նրա մասին, որ վրացիները չեն ունենա այնքան մահացություն ինչը, որ մենք: Եվ ներկայումս էլ մահացության ցուցանիշները նվազ են: Հիշեցնենք, որ օրերս վարչապետ Փաշինյանը հայտարարել էր, որ յուրաքանչյուր 100 վարակվածից 2-ը մահ է:
Գևորգ Գրիգորյանը կրկին վերահաստատում է խոսքերը.
«Այն փաստը, որ հարևան Վրաստանից պետք է օրինակ վերցնել մնում է ուժի մեջ, քանի որ այդ ժամանակ Վրաստանի կառավարությունը ճիշտ կողմնորոշվեց և շահեց ամենակարևոր բանը՝ ժամանակ»:
Եզրափակեց կանխատեսմամբ, որ նույնիսկ հաշվի առնելով բնակչության թիվը՝ Վրաստանը չի ունենա 1200-ից ավելի մահ և ոչ էլ 100 հազար բնակչի հաշվարկով կլինի առաջինը տարածաշրջանում:
Աննա Ավետիսյան
https://pressmedia.am/