Ալկոհոլային թունավորման գործով մեղադրյալ Աշոտ Հովսեփյանի երկրորդ թեստի պատասխանը բացասական է. նա կրկին կթեստավորվի

Ալկոհոլային  թունավորման գործով մեղադրյալ Աշոտ Հովսեփյանի կորոնավիրուսի երկրորդ թեստի պատասխանը բացասական է: Այս մասին NEWS.am-ին հայտնեց նրա պաշտպան Գոռ Գեւորգյանը:

«Քանի որ թեստերից մեկի պատասխանը դրական է եղել, մյուսը բացասական նա եւս մեկ անգամ կթեստավորվի, որպեսզի վերջնական պարզ լինի»,-ասաց փաստաբանը:

Նշենք, որ այս պահին Աշոտ Հովսեփյանը թոքաբորբ ունի, ծանր դրսեւորված շաքարային դիաբետ, օրը մի քանի անգամ ինսուլին են ներարկում:

Այս գործի շրջանակում 2 անձ կալանավորված է:

Նշենք, որ օգոստոսի 31-ից սեպտեմբերի 5-ը ընկած հատվածում հանրապետությունում թունավորման դեպքեր գրանցվեցին՝ ընդհանուր 46 դեպք,  որից 17-ը մահվան ելքով։ Դեպքերից 29-ը արձանագրվել է Արմավիրի մարզում՝ 9 մահվան ելքով, 15-ը Երևանում՝ 7-ը մահվան ելքով, 2-ը Կոտայքի մարզում՝ 1 մահվան ելքով:

Այս պահին հանրապետության տարբեր բժշկական կենտրոններում ալկոհոլային թունավորումից բուժում է ստանում 13 պացիենտ։

Դեպքի առթիվ քրգործ էր հարուցվել ՀՀ քրեական օրենսգրքի 279-րդ հոդվածի 3-րդ մասի հատկանիշներով` (անվտանգության պահանջներին չհամապատասխանող ապրանքներ թողարկելը կամ իրացնելը, աշխատանքներ կատարելը կամ ծառայություններ մատուցելը)։ Ձերբակալվել էր երեք անձ:

Ալկոհոլի թունավորման գործով մեղադրյալ Աշոտ Հովսեփյանի կալանքի նիստը հետաձգվեց.նա կրկնակի կթեստավորվի

Ալկոհոլի թունավորման գործով մեղադրյալ Աշոտ Հովսեփյանը կորոնավիրուսով է վարակվել