«Միթե 15-20 հոգուց եք վախենում». «Լիդիանի» նախկին աշխատակիցը՝ Նիկոլ Փաշինյանին
ՀասարակությունՄենք երկու տարի է առանց աշխատանք ենք մնացել, մենք ցուցարար, կամ միտինգ անող չենք, ու չենք եկել ինչ-որ մեկի դեմ մի բան խոսելու, պարզապես պահանջ ունենք, ցանկանում ենք մեր խնդրին լուծում տան: Այս մասին այսօր՝ հուլիսի 30-ին ասաց կառավարության դիմաց բողոքի ակցիա իրականացնող «Լիդիան Արմենիայի» նախկին աշխատողներից մեկը: Նրանք պահանջում են միջոցներ ձեռնարկել ճանապարհը բացելու, որ ընկերությունը կարողանա աշխատել:
«Ընդամենը աշխատող մարդիկ ենք, մեր աշխատանքն ենք ուզում, իսկ ոստիկաններն ասում են՝ բերման ենք ենթարկում, ինչի՞ համար»,- ասաց ակցիայի մասնակիցն ու հավելեց, որ մոտ 2000 հոգի արդեն 2 տարի անաշխատանք են մնացել, ամբողջ համայնքը սոված կոտորվում է: Տուրիստներ չեն գալիս, բերք չկա, կարկուտն ամբողջն ավերել է, ամեն ինչ շատ վատ է իրականում»:
Հարցին՝ բնակիչները չեն ցանկանում, որ շահագործվի այդ հանքը
նախկին աշխատակիցը նշեց, որ բնակիչներից 1200 հոգի ստորագրահավաք է իրականացրել. «1200 հոգի այս վախի մթնոլորտում այս պահին կանգնած է մեր կողքին»:
Դիմելով կառավարության անդամներին՝ ակցիայի մասնակիցը ասաց. «Ուզո՞ւմ եք իրական պատկերը տեսնել՝ վերացրեք այդ վախի մթնոլորտը, այս պահին ձեր կողքին շատ մարդիկ են կանգնած, ուղղակի վախենում են խոսել, մի՞թե 15-20 հոգուց եք վախենում: Մենք մարդիկ ենք, ովքեր 2 տարի առանց հաց են մնացել: Հարցրեք, իմացեք՝ այս մարդկանցից որեւէ մեկն իր ընտանիքի անդամներին ե՞րբ է վերջին անգամ տեսել»,- ասաց նա:
Խոսելով հանքի շահագործման հետեւանքով վնասների մասին ակցիայի մասնակիցն ասաց, որ բազմիցս է նշվել այդ մասին, որ վնասները կառավարելի են: Վարչապետն էլ է տեսնում, թե ինչ քաղաքական ուժեր են դեմ կանգնած այս ամենին ու ովքեր, ինչի համար են դեմ կանգնած այս ամենին: Ուզո՞ւմ են փակել հանքը, ուրեմն վարչապետը թող ներկայացնի իրավական ինչ-որ փաստաթուղթ, ըստ որի հանքը շահագործելը իրավական նորմերի խախտումով է, մենք էլ չենք գա այստեղ, մարդկանց էլ չենք հավաքի, հասկանո՞ւմ եք՝ ժողովուրդը չգիտի՝ ինչի համար չի աշխատում»,- ասաց նա:
1
2
3
4
5
1
2
3
4
5
2
3
