Նշենք, որ Կասյան փողոցի եւ կոմիտասի պողոտայի հատման հատվածում գյուղատնտեսական շուկայի առեւտրականները ցանկանում են շարունակել այդ վայրում գյուղմթերք վաճառել, մինչդեռ ոստիկանները թույլ չեն տալիս: Հիշեցնենք, որ արդեն 9 տարի ամեն շաբաթ եւ կիրակի օրերին այստեղ գյուղատնտեսական շուկա է գործել, որտեղ իրենց մթերքն են վաճառել գյուղացիները:
Գյուղացիները նշեցին, որ իրենցից 3 հոգու հրավիրել են վերեւ՝ լսելու իրենց պահանջը:
«Մենք ակնկալիք ունենք, որ կառավարություը տեղեկանալով խնդրին լծակներ կկիրառի, որ այդ խոչնդոտը չունենանք: Մեծ հույսով եկել ենք»,-ասացին նրանք՝ նկատելով, որ եվրոպական քաղաքներում եւս շաբաթ-կիրակի օրերին նման տոնավաճառներ գործում են:
«Այս տոնավաճառի դրական կողմն այն է, որ գյուղացին իր ապրանքը ուղիղ վաճառում է սպառողին, վերավաճառողներ չկան: Մարդիկ կարողանում են էժան գյուղմթերք առնել»,-ասացին նրանք:
Կառավարության ներկայացուցչի հետ հանդիպումից վերադարձած գյուղացիներից մեկն ասաց. «Արդեն հունվարից Արակիրի թաղապետն ասել է, որ այդ տարածքը չի տրամադրվելու տոնավաճառին, որից օգտվում էին մոտ 700 գյուղացի վաճառողներ: Որպես պատճառաբանություն բերում են, որ այստեղ խանումներ են լինում, բայց իրենց առաջարկած տարածքը նայեցինք, այնտեղ ավելի մեծ խցանումներ կլինեն: Հաջորդը ասում են, որ հարակից խանութներում առեւտուրը նվազում է: Այո, դա ընդունում ենք, բայց դրանում մենք մեղավոր չենք: Մենք ուզում ենք մեր առեւտուրը անել: Հիմա մեզ առաջարկում են տարածք հատկացնեն չգիտեմ, քաղաքից դուրս, կամ այլ վայրում: մենք այդ փորձն ունենք: Կասյանից բացի այլ տեղեր նույնպես հատկացվել էին, սակայն չաշխատեց, միայն Կասյանում դա աշխատեց եւ աշխատում է արդեն 9 տարի: Մենք միայն շաբաթ-կիրակի ենք գալիս եւ տոն օրերին: բացի այդ, այս շուկայում մենք ինքներս ստուգում ենք, որ հանկարծ որեւէ վերավաճառող չկանգնի:
Այսօր կառավարությունում մեզ ասացին, որ խնդրով զբաղվում են, մի քանի օրվա ընթացքում դրա պատասխանը կտան: «եմք դեմ չենք, որ այլ տեղերում էլ նման տոնավաճառներ գործեն, ինիչքան շատ, այնքան լավ, բայց եկեք ստեղծվածը չքանդենք: Կարող ենք անգամ փորձել մի շաբաթ գնալ այդ նոր տեղում կանգնել, փորձել: Բայց վաղը շաբաթ է եւ մենք մեր մթերքով գնալու ենք էնտեղ փորձենք մեր ապրանքը վաճառել, եթե պետք է թույլ չտան, թող թույլ չտան: Մենք վստահում ենք կառավարությանը եւ չենք ուզում, որ միջին օղակներում խանգարեն»:
1
2
3
4
5
5
4
