Ինձ համար էլ է դիմակ կրելը տհաճ. Նիկոլ Փաշինյանը

Հիմքեր կան պնդելու, որ մենք ոչ միայն մտել ենք կորոնավիրուսային ճգնաժամը հաղթահարելու փուլ, այլև աշնան հնարավոր երկրորդ համաշխարհային ալիքի նկատմամբ կարող ենք ավելի լավ դիմակայություն ունենալ: Այս մասին ուղիղ եթերում հայտարարեց վարչապետ Նիկոլ Փաշինյանը:

Փաշինյանի խոսքերով, այս օրերին կրկին ակտիվացել է հակահամաճարակային փիառ արշավը. «Ես տեսնում եմ, որ էլի հակադիմակային շարժումներ են սկսվում և այլն:

Ես ուզում եմ հստակ արձանագրել, որ տեմպի որոշակի անկումը տեղի է ունեցել հակահամաճարակային կանոնների պահպանման շնորհիվ, որի գագաթնակետը դիմակների կրումն է, որքան էլ դա տհաճ է:

Ինձ համար էլ է տհաճ դիմակ կրելը՝ սկսած մեքենայից, վերջացած մնացած տեղերով: Բայց ակնհայտ է, որ այս դինամիկան մենք ունենք հիմնականում դիմակի կրման որոշակի կարգուկանոն ունենալու շնորհիվ ու պատճառով:

Ենթադրաբար դեր ունի նաև տաք եղանակը: Սակայն հունիսի սկզբներին այն երկրներում, որտեղ բարձր ջերմաստիճան կար կորոնավիրուսը մեծ տեմպերով ծավալվում էր»:

Նիկոլ Փաշինյանի խոսքերով, վիճակագրությունը պետք է ավելի ոգևորի, որ հակահամաճարակային կանոններն ավելի լավ պահենք, որպեսզի հետ չգլորվենք. «Դիմակի կրումը հակահամաճարակային պրոցեսի մեջ ունի անկյունաքարային նշանակություն: Դա միակ գործոնը չէ, սակայն անկյունաքարային նշանակություն ունի»:

Ավելին՝ այստեղ