Ցավալի է, որ վնասվածքները թույլ չվեցին ինձ «Այաքսում» խաղալ այնպես, ինչպես կարողանում եմ. Էդգար Մանուչարյան

«Վնասվածքից հետո լավ մարզավիճակ չեմ ձեռք բերել, մարզիչն ինձ վստահում է, հավատացե՛ք, ինձանից կախված ամեն ինչ կանեմ որպեսզի «Ուրալին» օգնեմ Սանկտ-Պետերբուրգում հաջող խաղալ: Այո, «Զենիթը» շատ լավ թիմ է, որի հետ ոչ-ոքին լավ արդյունք կլինի: Մենք, սակայն, յուրաքանչյուր հանդիպմանը խաղում ենք հաղթանակի համար: Այս մրցաշրջանում մեր թիմը դիտարժան հարձակվողական ֆուտբոլ է ցուցադրում, ինչը, կարծում եմ, հաճույք է պարգևում երկրպագուներին»,- այս մասին Մանուչարյանն ասել է «Զենիթի» դեմ դիմակայությունից առաջ:

Խոսելով Ամստերդամի «Այաքսում» հանդես գալու մասին՝ ֆուտբոլիստը ասել է.

««Այաքսում» շատ բան եմ սովորել: Ցավալի է, որ վնասվածքները թույլ չվեցին ինձ խաղալ այնպես, ինչպես կարողանում եմ: Ամեն դեպքում Ամստերդամում անցկացրածս վեց տարին ինձ համար մեծ փորձ էին: Նվաճեցի ազգային երկու գավաթ, հանդես եկա ՈՒԵՖԱ-ի գավաթի խաղարկությունում, Չեմպիոնների լիգայում: Հոլանդիայում ունեմ շատ ընկերներ, որոնց հետ մինչ այժմ կապ եմ պահպանում: Հաճախ ինքս էլ եմ գնում Ամստերդամ: Այո, «Այաքսը» լքեցի վնասվածքների պատճառով: Վեց տարուց երեքը փաստացի չխաղացի: Վարձավճարով տեղափոխվեցի, լավ հանդես եկա: Հույս ունեի, որ ևս մեկ հնարավորություն կստանամ, սաայն պարզվեց, որ «Այաքս» զուր վերադարձա: Դրա համար էլ որոշեցի լքել Հոլանդիան և խաղալ «Փյունիկում», որից հետո տեղափոխվեցի Եկատերինբուգ»,- Մանուչարյանի խոսքը մեջբերում է «Спорт День за Днем»-ը: