Իրանը պետք է միավորվի կորոնավիրուսի դեմ երկարատեւ պայքարի համար․ Ռոհանի
ՄիջազգայինԻրանի նախագահ Հասան Ռոհանին կոչ է արել ժողովրդին շարունակել պահպանել համաճարակաբանական կանոնները, որպեսզի կանխվի կորոնավիրուսի տարածումը, մինչեւ հիվանդությունը չնահանջի, հայտնում է Tasnim-ը:
Կորոնավիրուսի դեմ պայքարի ազգային շտաբում ունեցած ելույթի ժամանակ Իրանի նախագահը նշել է, որ երկիրը պետք է միավորվի վարակի հետ երկարատեւ պայքարի համար:
Նրա խոսքերով՝ մոտ ժամանակներս վիրուսը չի վերանա ու չի կարող ոչնչացվել, եւ վարակի հանդեպ լիարժեք իմունիտետ ապահովող լուծում չկա:
Ռոհանին նաեւ խոսել է մեկ-երկու շաբաթ դիմակներ կրելու անհրաժեշտության մասին՝ այն տարածքներում, որոնք նշված են որպես վարակի բարձր ռիսկ ունեցող կարմիր գոտիներ:
Նա նաեւ ընդգծել է, որ անհնար է փակել բիզնեսները եւ կանգնեցնել տնտեսությունը, դադարեցնել կրթական, մշակութային եւ կրոնական միջոցառումները՝ նշելով մարդաշատ վայրերից խուսափելու անհրաժեշտությունը:
Իրանի նախագահը նաեւ հայտարարել է, որ նախատեսվում է սեպտեմբերի 5-ից բացել դպրոցներն ու համալսարանները:
1
2
3
4
5
1
2
4
5
3
5
