4 մթերք, որոնք փչացում են կազմվածքը

Med.news.am-ը գրում է .

Որոշ մթերքներ շատ օգտակար վիտամիններ եւ հանքանյութեր են պարունակում եւ անհրաժեշտ են մեր օրգանիզմին։ Մյուսները գրեթե ոչ մի օգտակար բան չեն պարունակում, բայց կարող են ուղղակի փչացնել կազմվածքը՝ նպաստելով ավելորդ կիլոգրամների կուտակմանը։

Ձեր ուշադրությանն ենք ներկայացնում մի քանի մթերք, որոնք ցանկալի է բացառել սննդակարգից, եթե ուզում եք առողջ եւ բարեկազմ մարմին ունենալ։

1. Շաքար

Շաքարը ոչ միայն փչացնում է կազմվածքը, այլ նաեւ մեծացնում է շաքարախտի եւ կարիեսի առաջացման ռիսկը։ Շաքարի հսկայական քանակ են պարունակում թխվածքները, կոնֆետները, շոկոլադը, պաղպաղակը, «բնական» հյութերը, գազավորված ըմպելիքները (կոլան եւ լիմոնադն այնքան շաքար են պարունակում, որ իրենց կալորիականությամբ կարող են փոխարինել ճաշին։ Բացի այդ պղպջակները բացասաբար են ազդում նյութափոխանակության վրա)։Եթե Դուք շատ եք ուզում ինչ-որ քաղցր բան ուտել, մասնագետները խորհուրդ են տալիս նախընտրություն տալ մրգերին եւ չրերին։

2. Ցորենի ալյուր

Ցորենի սպիտակ ալյուրը նույնպես քիչ օգտակար է. բոլոր վիտամիններն ու հանքանյութերը մնացել են թեփի մեջ, որից ալյուրը մաքրել են։ Սպիտակ ալյուրից պատրաստված մթերքները շատ կալորիական են եւ բարձր գլիկեմիկ ինդեքս ունեն։ Եթե Դուք շատ եք ուզում պաստա ուտել, ընտրե՛ք ցորենի կարծր տեսակի մակարոնները եւ մի փոքր հում թողեք այն։ Սննդակարգից արժի բացառել նաեւ սպիտակ հացը, բատոնը, բուլկին, հրուշակեղենը, որոնք սպիտակ ալյուրից բացի, պարունակում են նաեւ մեծ քանակությամբ շաքար եւ ճարպեր։

3. Երշիկեղեն

Երշիկներն ու նրբերշիկները վնաս են հասցնում ոչ միայն կազմվածքին, այլ նաեւ առողջությանը։ Վերջերս ԱՀԿ-ն դրանք ներառել էր կանցերոգեն մթերքների թվում։ Ավելին՝ մենք անգամ չգիտենք, ինչից են պատրաստված երշիկներն ու նրբերշիկները, չէ՞ որ ժամանակակից սարքավորումները թույլ են տալիս երշիկի խճողակի վերածել ամեն բան՝ խոզի կաշվից սկսած, մինչեւ պատահաբար մեքենայի մեջ հայտնված առնետ։

4. Ալկոհոլ

Մարդկանցից շատերն անգամ մոտավորապես չեն պատկերացնում, թե որքան կալորիա են պարունակում ալկոհոլային խմիչքները։ 100 գ օղու, վիսկիի, կոնյակի մեջ կա 250-300 կալորիա։ Մեկ շիշ գարեջուրը պարունակում է 500 կալորիա, իսկ չոր գինու հարյուր գրամի կալորիականությունը 60-80 կալորիա է։ Լիկյորի կալորիականությունը կազմում է 200-350 կալորիա։ Բացի այդ, ալկոհոլը ախորժակ է գրգռում։