Մի նեղվեք, երբ ձեզ շոումեն են անվանում

Գարիկ Պետրոսյանը ֆեյսբուքյան իր էջում գրում է .

Քանի դուք շոու եք անում, ձեզ հենց այդպես էլ կանվանեն: Ու քանի դեռ դուք ունեք ձեր հանդիսատեսը` ձեր գործը հավերժ է:

Դուք հասել եք ձեր երազած վիճակին: Ձեր վրա հոտած ձվեր կամ լոլիկներ նետողներ այլևս չկան: Մնացել եք դուք ու ձեր սցենարով ընթացող էլ կլասիկոն:
Ֆուտբոլային հանդիպումը որքան էլ դիտարժան լինի, միևնույն է կարևորը արդյունքն է: Երբ վստահ ես վերջնական արդյունքի վրա, հաճախ կապիկությունը դիտելու, կամ առավել ևս մասնակիցը դառնալու ցանկությունը իսպառ վերանում է:

Ինձ չի հետաքրքրում խաղի դիտարժանությունը, քանի որ վստահ եմ, որ մրցավարը մոտ 1000000 11 մետրանոց է նշանակելու ձեր երկրորդ թիմի դարպասին, որոնց մեծ մասը ավարտվելու են դարպասի գրավմամբ: խաղից հետո էլ մաքսիմում լինելու է մի բողոք ձեր թիմի վերահսկողության ներքո գտնվող մրցավարների կոմիտե, ու վերջ: Իսկ խաղին ակտիվ կամ պասիվ մասնակիցների 99 %-ը ընդամենը սահմանափակվելու է` այ մարդ մարզադաշտը մարզադաշտ չի, կամ` խաղը ծախված է հռետորական բացականչությամբ` առանց հիշելու անգամ, որ էդ խաղը հենց իրենք են ծախել:
Ես չեմ կարծում որ այսօր որևէ մեկը կարող է ինձ վստահեցնել, որ այս անգամ հերթական ֆարսի սցենարը այլ կերպ է ընթանալու:

Ինչևէ, համակերպվողներ, դուք ունեք այն, ինչին արժանի եք...