Խորհրդավոր ստորգետնյա բունկեր Արևելյան Գերմանիայում (լուսանկարներ)

Դեռ փոքրուց մեր ծնողերը մեզ սովորեցրել են խորհրդավոր կամ լքված վայրեր չայցելել, պնդելով որ դա կարող է վտանգավոր լինել, իսկ մանկության տարբեր տեսակի սարսափ ֆիլմերը լրացրել են պատկերը: Սակայն պատանեկան հետաքրքրասիրությունը շատ դեպքերում ստիպում է ուշադրություն չդարձնել զգուշացումներին և վախերին:

Արևելյան Գերմանիայում կա մի խորհրդավոր անտառ, որտեղ գետնի տակից խողովակներ են դուրս գալիս: Տեղացի ծնողները արգելում են իրենց երեխաներին զբոսնել այդ անտառով: Սակայն երկու պատանի այնուամենայնիվ որոշեցին ռիսկի դիմել և գնալ այդ անտառ: Նրանք տեսնելով այդ խողովակները որոշեցին գտնել մուտքը և երկարատև փնտրտուքներից հետո գտան ըստ երևույթոին պատերազմի շրջանում կառուցված ստորգետնյա բունկերը: Բունկերը ավերված էր և ուներ բազմաթիվ միջանցքներ և սենյակներ, որոնց պատերին կային սարսափազդու գրառումներ որոնք արված էին ըստ երևույթին ադյտեղ բնակված զինվորների կողմից: