Մահացել է ԱԺ նախկին նախագահ, Բելառուսում ՀՀ նախկին դեսպան Արմեն Խաչատրյանը

ArmDaily.am-ի տեղեկություններով՝ երկարատև հիվանդությունից հետո մահացել է ՀՀ ԱԺ նախկին նախագահ, Բելառուսում Հայաստանի արտակարգ եւ լիազոր  նախկին դեսպան Արմեն Խաչատրյանը։ Խաչատրյանը 63 տարեկան էր։

Արմեն Խաչատրյանի կենսագրությունը

Խաչատրյանը ծնվել է 1957թ. օգոստոսի 13-ին՝ Երևանում։ն1978թ. ավարտել է Խ.Աբովյանի անվան Երևանի մանկավարժական ինստիտուտի բանասիրական ֆակուլտետը, բանասիրության գիտությունների թեկնածու է։

Աշխատանքային գործունեություն`

1978-1980թթ. Ձորաղբյուր գյուղի միջնակարգ դպրոցի հայոց լեզվի և գրականության ուսուցիչ

1980-1981թթ. Հայաստանի պետական պատկերասրահի գիտական մասի վարիչ

1981-1985թթ. ՀԼԿՄ Երևանի քաղաքային կոմիտեի հրահանգիչ

1985-1987թթ. ՀԿԿ Երևանի Շահումյանի շրջկոմի հրահանգիչ

1987-1990թթ. Երևանի հ. 191 միջնակարգ դպրոցի տնօրեն

1991-1999թթ. Երևանի «Հրաչյա Աճառյան» համալսարանի հիմնադիր անդամ, գիտակրթական գծով պրոռեկտոր, պրոֆեսոր

1999թ. ՀՀ Ազգային ժողովի պատգամավոր, ԱԺ արտաքին հարաբերությունների մշտական հանձնաժողովի նախագահ

1999 -2003թթ. ՀՀ Ազգային ժողովի նախագահ, ՀՀ անվտանգության խորհրդի անդամ, ԱՊՀ մասնակից պետությունների միջխորհրդարական վեհաժողովի խորհրդի անդամ

2003-2010թթ. Ուկրաինայում ՀՀ արտակարգ և լիազոր դեսպան

2004-2016թթ. Մոլդովայի Հանրապետությունում ՀՀ արտակարգ և լիազոր դեսպան (նստավայրը` Կիև)

2010-2017թթ. Բելառուսի Հանրապետությունում ՀՀ արտակարգ և լիազոր դեսպան, ԱՊՀ կանոնադրական և այլ մարմիններում ՀՀ մշտական լիազոր ներկայացուցիչ

Դիվանագիտական աստիճան`

Արտակարգ և լիազոր դեսպան

Պարգևներ եւ կոչումներ`

2001թ. ԱՊՀ միջխորհրդարանական վեհաժողովի կողմից շնորհվել է «Ընկերակցություն» շքանշանը

2001թ. Կոնստանդնուպոլսի Տիեզերական Պատրիարք Բարթուղեմիոս Ա-ի կողմից ստացել է Օրթոդոքս Եկեղեցու բարձրագույն «Սուրբ Անդրեաս» շքանշանը

2002թ. Պարգևատրվել է Ուղղափառ ժողովուրդների միջազգային հիմնադրամի կողմից սահմանված «Ուղղափառ ժողովուրդների միասնությունը ամրապնդելու գործում բացառիկ գործունեությանհամար» միջազգային մրցանակ

2002թ. «Պատվո շքանշան» (Ֆրանսիա)

2003թ. Ֆ.Նանսենի անվան Ոսկե մեդալ

Շարունակությունն՝ այստեղ