Տարօրինակ պատճառներ, որոնց համար մարդկանց մահապատժի են ենթարկել (լուսանկարներ)

Tert.am-ը գրում է .

Մենք բոլորս էլ պատմության դասերից հիշում ենք, որ հարյուրամյակներ առաջ մարդիկ անհամեմատ ավելի դաժան ու սառնասիրտ են եղել։ Նրանք մահապատիժներն ու տանջանքները վերածել են հրապարակային բնույթի «ներկայացումների»` հաշվի չառնելով, որ մեղադրյալը գործել է ոչ այդքան սարսափազդու սխալ։

Ստորև fishki.net կայքն ուշագրավ ֆոտոշարքով ներկայացնում է 6 տարօրինակ պատճառ, որոնց համար հնում մարդկանց մահապատժի են ենթարկել.

1. Պատմական փաստի աղավաղում

Հին Չինաստանում և մայաների մոտ մարդկանց հեշտությամբ կախաղան էին բարձրացնում ու զրկում կյանքից` պատմական փաստերի աղավաղման համար։ Պատմության ժամանակագրության ճշմարտացիությանը հետևում էին հատուկ նշանակված մարդիկ, ովքեր իրավասու էին ձերբակալել իրենց համար կասկածելի թվացող յուրաքանչյուր մեկի։

2. Սիրավեպ օտարերկրացու հետ

Միջնադարյան Անգլիայում լուրջ հանցանք էր համարվում օտարերկրացու հետ սիրային կապի մեջ մտնելը: Նման «հանցագործներին» զրկում էին ձայնի իրավունքից ու սպանում` քառատման միջոցով:

3. Փիլիսոփայությամբ զբաղվելը

Միջնադարյան ինկվիզիացիայի շրջանում բոլոր նրանք, ովքեր իրենց փիլիսոփայական աշխատանքներում կասկածի տակ էին առնում Աստծո գոյությունը, ենթարկվում էին դաժան մահապատժի:

4. Պետական բյուջեի թալանում

Այս հանցանքի համար մահապատժի էին ենթարկում ոչ միայն Արևմուտքում, այլև` Ռուսաստանում, որտեղ նախքան մահապատիժը հանցագործին ծեծում էին ծառի այրվող ճյուղերով։

5. Բանջարեղենի գողություն

Հին Հունաստանում մարդկանց մահապատժի էին ենթարկում հասարակական պլանտացիաներից բանջարեղեն գողանալու համար։

6. Վատ եփված գարեջուր

Հին Պարսկաստանում կյանքից զրկում էին այն գարեջրագործներին, ովքեր վատ էին պատրաստում գարեջուրը։ Հետաքրքրական է, որ նրանց սպանում էին` տվյալ գարեջրի մեջ խեղդելով կամ էլ ստիպում էին մինչև մեռնելը գարեջուր խմել։