Արտառոց ամուսնական ավանդույթներ ամբողջ աշխարհից
Life
Novate.ru-ն ներկայացնում է 9 արտառոց ամուսնական ավանդույթներ ամբողջ աշխարհից:
Խնձորը՝ թևի տակ
19-րդ դարի գյուղական Ավստրիայում պարերի ժամանակ միայնակ աղջիկները պարել են թևերի տակ սեղմված խնձորի կտորով: Երեկոյի ավարտին աղջիկը խնձորի կտորը տվել է իրեն դուր եկած տղային: Եթե զգացմունքը փոխադարձ է եղել, նա կերել է այդ վատ հոտով նվերը:
Հարսանեկան մատնոց
Անգլիայի պուրիտանների շրջանում սովորական ամուսնական մատանու փոխարեն երիտասարդը հարսնացուին մատնոց է նվիրել: Հարսանիքից հետո աղջիկը կարող էր մատնոցն ուղիղ նշանակությամբ օգտագործել, կարող էր նաև կտրել մատնոցի վերնամասը և այն կրել որպես ամուսնական մատանի:
Ամուսնական դանակ
19-րդ դարում ամուսնության տարիքի հասած ֆինն աղջիկները սկսել են ֆիննական ավանդական պուուկկո դանակի դատարկ պատյաններ կրել գոտկատեղին: Եթե աղջիկը որևէ տղամարդու դուր էր գալիս, նա այդ պատյանի մեջ իր դանակն էր դնում: Եթե աղջիկը հետաքրքրված չի եղել այդ պոտենցիալ փեսացուով, դանակը վերադարձրել է նրան: Եթե երիտասարդը հաջորդ հանդիպման ժամանակ դանակը տեսել է աղջկա գոտկատեղին, դա ամուսնանալու համաձայնության նշան է եղել:
Կանաչ հարսանիք
Ամիշ կրոնական շարժման ներկայացուցիչները շատ փակ են: Որոշ համայնքներում համաքաղաքացիները նույնիսկ չեն իմանում հարևանների գալիք հարսանիքի մասին՝ մինչև ամուսնության մասին պաշտոնապես հայտարարվի եկեղեցում դրանից մի քանի շաբաթ առաջ: Որպես կանոն, ամիշները գալիք հարսանիքի մասին իմանում են, երբ հարևանները սկսում են ակտիվորեն նեխուր պահեստավորել, որն ամիշների հարսանեկան սեղանների գլխավոր բաղադրիչն է:
Վալիական ընկերություն գդալներով
Վալիական զույգերն իրար նվիրում են ոչ թե ծաղիկներ կամ մատանի. 17-րդ դարից սովորույթ կա որպես ռոմանտիկ մտադրությունների նշան «սիրային գդալներ» փոխանակել: Երիտասարդ տղաները և աղջիկները ժամերով ձեռքով պատրաստել են իրենց գդալները՝ ամենագեղեցիկ գդալն իրենց ընտրյալին նվիրելու համար: Եթե սիրած մարդն ընդունել է այդ գդալը, նշանակում էր՝ կարելի է ընկերություն անել հետագայում:
Սիրային հանդիպման համար տնա՞կ է հարկավոր. հայտնեք աղջկա հորը
Աֆրիկյան որոշ ժողովուրդների շրջանում (օրինակ՝ զուլուսների մոտ) հայրերը պոտենցիալ փեսացուներին թույլ չեն տալիս գնալ իրենց տուն՝ իրենց դստերը հյուր: Հայրերն իրենց դուստրերի համար «հանդիպման հյուղակներ» են պատրաստում, որտեղ նրանք կարող են առանձնանալ իրենց երկրպագուի հետ՝ առանց ծնողների հսկողության:
Բանակցությունների խողովակ
18-րդ դարում Նոր Անգլիայում երիտասարդների համար շատ դժվար է եղել խոսել իրենց զգացմունքների մասին. բոլոր հանդիպումներն անցել են ծնողների խիստ հսկողությամբ: Ուստի օգտագործվել է «ընկերություն անելու խողովակ»՝ 2 մ երկարությամբ փայտե խողովակ, որով սիրահարները կարող էին հենց ականջին սիրո խոսքեր շշնջալ: Միաժամանակ, ծնողները սենյակում են եղել:
Վիկտորիանական ժեստեր
Եթե Վիկտորիանական շրջանի կինը հետաքրքրված չի եղել զրույցի առաջարկով, պարզապես հովհարը դրել է իր ձախ այտին:
Աղջիկ փախցնելը գնչուների շրջանում
Գնչուների մեջ դարերով «առևանգում» կոչվող յուրահատուկ հարսանեկան ծիսակատարություն կա: Գնչուհիները միշտ այնքան ողջախոհ են եղել, որ երիտասարդներին նույնիսկ չի թույլատրվել մոտենալ նրանց: Եթե երիտասարդը ցանկացել է գրավել աղջկա ուշադրությունը, նա պարզապես «առևանգել է» նրան՝ փորձելով համբույր կորզել: Աղջիկը հետո վերադարձել է ծնողների մոտ:
1
2
3
4
5
1
4
5
1
3
4
5
