Երևանում ՊՊԾ գնդի հատուկ գումարտակի ծառայողը ոստիկանական Chevrolet-ով վրաերթի է ենթարկել հետիոտնին
ՀասարակությունԵրեկ՝ մայիսի 2-ին, վրաերթ է տեղի ունեցել Երևանում:
Shamshyan.com-ի փոխանցմամբ ժամը 02:30-ի սահմաններում, Երևանի բնակիչ, 39-ամյա Կարեն Զաքարյանը իր վարած Chevrolet մակնիշի 329 II 02 համարանիշի ավտոմեքենայով, Քաջազնունու փողոցի 4/ա շենքի դիմաց վրաերթի է ենթարկել նույն շենքի բնակիչ, 45-ամյա Միսակ Վարդանյանին:
Ինչպես հայտնում է ֆոտոլրագրող Գագիկ Շամշյանը, վարորդը փախուստի չի դիմել, օգնել է վրաերթի ենթարկվածին տեղափոխել «Էրեբունի» բժշկական կենտրոն: Դեպքի վայր են ժամանել Երեւանի Ճանապարհային ոստիկանության ծառայողները: Դեպքի մասին Երևանի ՃՈ օպերատիվ կառավարման կենտրոնի պատասխանատու հերթապահ Հակոբ Մասչյանը տեղեկությունը փոխանցել է Ճանապարհային Ոստիկանության ճանապարհա-տրանսպորտային պատահարների գործերով հետաքննության և վարչական վարույթի իրականացման բաժանմունք, որտեղից ժամանել է հերթապահ խումբը՝ բաժանմունքի պետ Խաչիկ Սամվելյանի, ավագ հետաքննիչ Գրիգոր Ավետիսյանի գլխավորությամբ:
Փաստի առթիվ Գ. Ավետիսյանի կողմից նյութեր են նախապատրաստվում: Ֆոտոլրագրողի տեղեկություններով, վարորդ Կ. Զաքարյանն աշխատում է ոստիկանության Երևան քաղաքի վարչության ՊՊԾ գնդի 3-րդ հատուկ գումարտակում:
1
2
3
4
5
1
2
3
4
5
2
3
