Պետք է շնորհակալ լինենք և խրախուսենք նման գործարարներին, ովքեր շունչ են տալիս Հայաստանի մարզերին

Մենուա Հարությունյանն իր ֆեյսբուքյան էջում գրում է.

Հայտնի գործարար Սամվել Սարգսյանը, ով Մոսկվայի ամենաշքեղ հյուրանոցներից մեկի՝ «Ararat Park Hyatt»-ի սեփականատերն է, ավելի քան 25 մլն դոլարի ներդրում կատարելով՝ համաշխարհային «Hyatt» ապրանքանիշը բերեց Ջերմուկ. մոտ օրերս Ջերմուկում տեղի է ունենալու «Hyatt» համաշխարհային հյուրանոցային ցանցի հերթական շքեղ հյուրանոցի բացումը: Սա բարձրացնելու է ոչ միայն Ջերմուկի, այլ նաև Հայաստանի տուրիստական համբավը, քանզի նման բարձրակարգ ցանցի մուտքը Հայաստան փոխելու է մեր տուրիզմի level-ը առավել բծախնդիր զբոսաշրջիկների շրջանում:

Մեկ տարի առաջ Սամվել Սարգսյանի ներդրումների շնորհիվ «Hyatt»-ը հայտնվեց Երևանում, իսկ այսօր այն նաև Ջերմուկում է: Տուրիզմի զարգացման տեսանկյունից շատ կարևոր է որակյալ և նման դասի հյուրանոցների առկայությունը Հայաստանում:
«Hyatt»-ի մուտքը Ջերմուկ այս կուրորտային քաղաքի նկատմամբ հետաքրքրությունը դուրս կբերի Հայաստանի շրջանակներից և, վստահ եմ, որ Ջերմուկում հանգստանալ կցանկանան նաև աշխարհի տարբեր կետերից:

Մյուս կողմից, պետք է շնորհակալ լինել Սամվել Սարգսյանին նման ներդրման համար. միայն բիզնեսից հեռու մարդը կարող է համարել, որ 25 մլն դոլարի ներդրումը Ջերմուկում զուտ բիզնես ներդրում է, քանզի իրականում սա ներդրում է սեփական հայրենիքը, սեփական ծննդավայրը զագացնելու տեսանկյունից:

Երբ խոսում ենք Հայաստանի համաչափ զարգացման մասին, ապա պետք է շնորհակալ լինենք և խրախուսենք նման գործարարներին, ովքեր շունչ են տալիս Հայաստանի մարզերին:

Սամվել Սարգսյանի ներդման շնորհիվ Ջերմուկի անունը հայտնվեց համաշխարհային առաջատար կուրորտային քաղաքների շարքում: