Բարձրագույն խմբի 6 ակումբներ կստանան ԵՎՐՈ 2020-ի «Ակումբային մասնակցության վճարները»
Ուշադրության կենտրոնում2020 թվականի ապրիլի 23-ին ՈՒԵՖԱ-ի Գործադիր կոմիտեն որոշել էր ակումբներին վաղօրոք բաշխել ՈՒԵՖԱ ԵՎՐՈ 2020-ի «Ակումբային մասնակցության վճարները»: Այս մասին հայտնում է ՀՖՖ պաշտոնական կայքը:
Սրանք այն վճարներն են, որոնք ակումբները սովորաբար ստանում են եվրոպական գլխավոր առաջնության որակավորման և հիմնական փուլերի ընթացքում ազգային հավաքականներ ֆուտբոլիստներ գործուղելու համար:
Վերոնշյալ գումարն ընդգրկում է Ազգերի լիգայի 2018/2019 մրցաշրջանի և Եվրոպայի առաջնության 2018-2020 որակավորման փուլերի խաղարկությունները: Ի սկզբանե նախատեսվում էր իրականացնել գումարների բաշխումը Եվրո-2020-ի փլեյ-օֆֆ փուլի ավարտից հետո, սակայն, հաշվի առնելով փլեյ-օֆֆի հետաձգումը, ինչպես նաև կորոնավիրուսային համաճարակի հետևանքով ստեղծված բարդ իրադրությունը և ակումբների ֆինանսական խնդիրները, ՈՒԵՖԱ-ի գործադիր մարմինը որոշում է կայացրել մասնակցության գումարները բաշխել ակումբներին ավելի շուտ՝ 2020 թվականի մայիսի 1-ին:
Այսպիսով, Հայաստանի Բարձրագույն խմբի 6 ակումբներ մայիսի 1-ին կստանան իրենց հասանելիք վճարները ստորև սահմանված չափաքանակներով՝
Փյունիկ ՖԱ – 211,476.90 Եվրո
Ալաշկերտ ՖԱ – 203,511.40 Եվրո
Արարատ-Արմենիա ՖԱ – 105,764.82 Եվրո
Ուրարտու ՖԱ – 90,204.87 Եվրո
Գանձասար-Կապան ՖԱ – 57,731.11 Եվրո
Լոռի ՖԱ – 36,081.95 Եվրո
1
2
3
4
5
1
2
3
5
2
