Արոնյանն իրավունք է ստացել մասնակցելու աշխարհի չեմպիոնի կոչման 8 հավակնորդների մոսկովյան մրցաշարին

Արամ Ուգուջյանը ֆեյսբուքյան իր էջում գրում է .

Շախմատի միջազգային ֆեդերացիայի՝ ՖԻԴԵ-ի պաշտոնական կայքում՝ fide.com –ում այսօր հաղորդագրություն է հրապարկվել այն մասին ,որ երեկ հանդիպում է կայացել աշխատանքային այցով Երևանում հյուրընկալված ՖԻԴԵ-ի նախագահ Կիրսան Իլյումժինովի և ՀՀ նախագահ, և շախմատի ՀՀ ֆեդերացիայի նախագահ Սերժ Սարգսյանի միջև: Քննարկվել են աշխարհի չեմպիոնի կոչման հավակնորդների մրցաշարի կազմակերպման հետ կապված մի շարք հարցեր: Մասնավորապես, Իլյումժինովը ՀՀ նախագահին տեղեկացրել է ,որ ինչպես և նախապես հայտարավել էր այդ մրցաշարը կկազմակերպվի 2016թ գարնանը , ու որ արդեն որոշվել է , կարևորագույն այդ միջոցառման բոլորին այդքան հետաքրքրող մրցավայրի հարցը: Մրցաշարը կընդունի ՌԴ-ի մայրաքաղաք ՝ Մոսկվան: Ստուգատեսի կազամակերիպիչներն են՝ ՖԻԴԵ-ն ու ԱԳՈՆ , շախմատի ՌԴ-ի ֆեդերացիայի աջակցությամբ : Մրցաշարի կազմակերպման գործընկեր է Ռուսաստանում հայտնի «ՏԱՇԻՐ» ընկերությունը (նախագահ Սամվել Կարապետյան): Հիշեցնենք, որ անցյալ տարի «Տաշիրի» հովանավորութւյամբ Մոսկվայում մեծ շուքով ու հանդիսավորությամբ կազմակերպվեց շախմատի աշխարհի 9-րդ չեմպիոն Տիգրան Պետրոսյանի ծննդյան 85–ամյակին նվիրված հոբելյանական բարձրակարգ հուշամրցաշարը:

Հավակնրորդների մրցաշարի կազմակերպիչները իրենց վերապահված իրավունքով ստուգատեսի վերջին ՝8-րդ նոմինանտ են հայտարարել հայկական շախմատի առաջատար, այսօր ՖԻԴԵ-ի դասակարգման ցուցակում 7-րդ տեղը զբաղեցնող Լևոն Արոնյանին:Այսպիսով արդեն հայտնի են աշխարհի չեմպիոնի կոչման հավակնորդների մրցաշարի բոլոր 8մասնակիցները:
Դրանք են ՝ 
Հիկարու Նակամուրա ԱՄՆ,
Ֆաբիանո Կարուանա , ԱՄՆ,
Սերգեյ Կարյակին ,Ռուսաստան ,աշխարհի գավաթակիր, 
Պյոտր Սվիդլեր ,Ռուսաստան աշխարհի գավաթի խաղարկության եզրափակչի մասնակից ,
Վեսելին Տոպալով,Բուլղարիա, 
Անիշ Գիրի,Հոլանդիա,
Վիշվանաթան Անանդ,Հնդկաստան,
ԼԵՎՈՆ ԱՐՈՆՅԱՆ, ՀԱՅԱՍՏԱՆ: 
Այս հրաշալի ութնյակի մրցապայքարում ի հայտ այն լավագույն շախմատիստն , ով հաղթող կճանաչվի այս մրցաշարում ու իրավունք կստանա ձեռնոց նետելու աշխարհի գործող չեմպիոն Մագնուս Կառլսենին՝ աշխարհի չեմպիոնի կոչման մրցամարտում: 
Հավելենք նաև, որ 2016թ մարտի 10-30-ը Մոսկվայում ընթանաիք շախմատի աշխարհի չեմպիոնի կոչման հավակնորդների մրցաշարի մրցանակային հիմնադրամը լինելու է 420 հազար եվրոյից ոչ պակաս: