Հայկ Կարապետյանը՝ «Հայփոստ» ՓԲ-ի տնօրենի ժամանակավոր պաշտոնակատար

ՀՀ ԲՏԱ նախարարի տեղակալը «Հայփոստ» ՓԲ ընկերության անձնակազմին է ներկայացրել տնօրենի ժամանակավոր պաշտոնակատարին։ Այս մասին հայտնում են «Հայփոստ» ՓԲ ընկերության լրատվության ծառայությունը։

ՀՀ բարձր տեխնոլոգիական արդյունաբերության նախարարի տեղակալ, «Հայփոստ» ՓԲԸ Դիտորդ խորհրդի նախագահ Արմեն Աբրոյանը, ս. թ. ապրիլի 20֊ին «Հայփոստ» ՓԲԸ ղեկավար անձնակազմին է ներկայացրել տնօրենի ժամանակավոր պաշտոնակատար Հայկ Կարապետյանին:

Նախարարի տեղակալը կարեւորել է «Հայփոստ» ՓԲ ընկերության ռազմավարական նշանակությունը, նշել, որ դրանում հանրությունը համոզվեց վերջին ամիսներին ՀՀ ողջ տարածքում իրականացված աշխատանքների շնորհիվ: Այդ գործում մեծ ներդրում ունի կառույցի աշխատակազմի յուրաքանչյուր աշխատակից, եւ նախարարության անունից Աբրոյանը շնորհակալություն է հայտնել նրանց, ինչես նաեւ Հայկ Ավագյանին՝ իր վերջին 13 տարիների նվիրված ու բեղմնավոր աշխատանքի համար:

Ներկաներին Արմեն Աբրոյանը ներկայացնել է «Հայփոստ» ՓԲԸ նորանշանակ ղեկավարի ժամանակավոր պաշտոնակատար Հայկ Կարապետյանին, ով այսուհետ իր հարուստ փորձն ու գիտելիքները ծառայեցնելու է ընկերության հետագա զարգացմանը:

Նորանշանակ տնօրենը շնորհակալություն է հայտնել Դիտորդ խորհրդին վստահության համար, նշել, որ ուրախ է վերադառնալ հայրենիք եւ իր կուտակած փորձն ու գիտելիքները ներդնել ի բարօրություն Հայաստանի Հանրապետության: Նա նշել է, որ ահռելի աշխատանք է սպասվում կառույցի թվայնացման, կորպորատիվ մշակույթի ներդրման, մատուցվող ծառայությունների կատարելագործման եւ շահութաբերության բարձրացման գործընթացների շուրջ եւ համոզված է, որ առանց խնդիրների կկարողանան անձնակազմի հետ հաղթահարել բոլոր դժվարությունները:

Հայկ Կարապետյանի կենսագրական տվյալները.

Աշխատանքային փորձ

2019թ. հուլիս — 2020 ապրիլ,

Round Bank («Բանկ Ռաունդ» ՍՊԸ) ք․ Մոսկվա,

Պրոդուկտների գծով տնօրեն, տնօրենների խորհրդի անդամ

Օգոստոս 2016 — հունվար 2019

VEON GROUP (ՎԵՈՆ Արմենիա ՓԲԸ) ք․ Երեւան,

Կոմերցիոն տնօրեն, CCO

2014 Հոկտեմբեր —2016 Օգոստոս

MEGAFON («ՄեգաՖոն» ՀԲԸ), ք․ Մոսկվա

Ֆինանսական ծառայությունների գծով տնօրեն

2011 Հոկտեմբեր —2014 Սեպտեմբեր

MEGAFON («ՄեգաՖոն» ՀԲԸ), ք․ Մոսկվա

Մանրածախ ֆինանսական պրոդուկտների գծով ղեկավար

2010թ. Օգոստոս - 2011 թ. Սեպտեմբեր,

MTT, Multiregional Traansit Telecom, (Միջտարածաշրջանային ՏրանզիտՏելեկոմ ԲԲԸ), ք․ Մոսկվա

Ինտերնետային բիզնեսի նախագծերի բաժնի տնօրեն

2008թ. Օգոստոս - 2010 թ. Օգոստոս

Viva-Cell MTS ՄՏՍ Հայաստան («Ղ-Տելեկոմ» ՓԲԸ), ք․ Երեւան

Մատակարարման բաժնի ղեկավար

2007թ. Մայիս - 2008 թ. Օգոստոս

Qiwi (Qiwi-Հայաստան) Երեւան,

Տնօրեն

2006թ․ հուլիս - 2007 թվականի

Երեւանի քաղաքապետարանի ներկայացուցչությունը Մոսկվայում

Հատուկ նախագծերի գծով ներկայացուցչության ղեկավարի տեղակալ

Կրթություն

Ն.Է. Բաումանի անվան ՄՊՏՀ, Ինֆորմատիկայի եւ կառավարման համակարգերի ինժեներ մասնագիտությամբ