Ի՞նչ ավտոմեքենաներով են երթևեկում Հայաստանի առաջին դեմքերը (լուսանկարներ)

Շքեղ ու հարմարավետ փոխադրամիջոցով շատերն են ձգտում երթեւեկել, սակայն ոչ բոլորին է դա հասու։ Մեր պետության առաջին դեմքերը երեւթեկում են հենց նմանատիպ ծառայողական ավտոեմքենաներով, որոնց էլ ուղեկցում է անվտանգության ավտոշարասյունը։
Wnews.am-ը ներկայացնում է Հայաստանի նախագահին, վարչապետին եւ ԱԺ նախագահին ի պաշտոնե հատկացված ծառայողական ավտոմեքենաները։

ՀՀ նախագահ Սերժ Սարգսյանն այժմ երթեւեկում է նախորդ սերնդի՝ 2006-ից հետո արտադրված W221 թափքով զրահապատ Mercedes S-Class-ով։  Սերժ Սարգսյանին ծառայող այս ավտոմեքենայի վրա փակցված է երկրի «թիվ մեկ» պետհամարանիշը՝ հատուկ տարբերանշանով. 001 UU, եւ Հայաստանի դրոշն է պատկերված նախագահի մեքենայի հետնամասում՝ համարանիշի համար հատկացված հատվածում, իսկ առջեւում կրկին փայլուն թիթեղ է։ Ուղեկցող մեքենաներից ամենաշատը գործող նախագահի դեպքում է։ Սերժ Սարգսյանին ուղեկցում են մի քանի Toyota Land Cruiser 200 տեսակի ամենագնացներ, ինչպես նաեւ Volkswagen Multivan տեսակի մինիվեն, որոնցով եւս, ինչպես Toyota-ներով, երթեւեկում են նախագահի անվտանգության աշխատակիցները։

ԱԺ նախագահ Գալուստ Սահակյանը երթեւեկում է Toyota Land Cruiser մակնիշի ծառայողական ավտոմեքենայով, որի գնման համար պետական բյուջեից հատկացվել է 33 մլն դրամ։

ՀՀ վարչապետ Հովիկ Աբրահամյանը երթեւեկում է պետության կողմից հատկացված BMW 750 Li բարձր դասի ծառայողական մեքենայով։

Աղբյուրը` Wnews.am