Ոստիկանության Դավթաշենի տարածքային բաժանմունքի 4 ծառայողների մեղադրանք է առաջադրվել. նրանք կալանավորվել են
ՀասարակությունՈստիկանության Դավթաշենի բաժանմունքում՝ ԱԱԾ եւ Ոստիկանության ներքին անվտանգության վարչության ծառայողների կողմից քննչական միջոցառումների արդյունքում 4 ոստիկանության ծառայակից կալանավորվել է: Այս տեղեկությունը NEWS.am-ին հաստատեց 3 ոստիկանների պաշտպան Գարիկ Գալիկյանը։
«Ոստիկաններին մեղադրանք է առաջադրվել եւ նրանց նկատմամբ որպես խափանման միջոց է ընտրվել կալանավորումը», ասաց փաստաբանը։
Նա հայտնեց, որ կալանավորման որոշման դեմ բողոք է ներկայացրել:
Գալիկյանը չմանրամասնեց, թե ինչ մեղադրանքի մասին է խոսքը։
Այսօր նույնպես NEWS.am-ը փորձեց տեղեկություն ստանալ ԱԱԾ-ից, լրատվական բաժնից տեղեկացրին, որ իրենց աշխատանքային ժամն ավարտվել է և չեն կարող գործի վերաբերյալ որևէ տեղեկություն հայտնել։
Նշենք, որ ապրիլի 9-ին տեղեկություն տարածվեց, որ Ոստիկանության և ԱԱԾ-ի աշխատակիցները մտել են Ոստիկանության Դավիթաշենի բաժանմունք և քննչական գործողություններ են իրականացրել։ Մինչև այսօր ԱԱԾ-ն պաշտոնական որևէ տեղեկատվություն չի հայտնել, թե ինչ գործի շրջանակներում է իրականացվել այդ գործողությունները։
Նշենք, որ նույն օրը ԶԼՄ-ներում տեղեկություն տարածվեց, որ ոստիկանության մի քանի բարձրաստիճան պաշտոնյաներ ձերբակալվել են։ Մամուլում 2 վարկած էր շրջանառվում. մեկը՝ կաշառքի, մյուսը թմրամիջոցների գործով։
1
2
3
4
5
1
2
3
4
5
2
3
