Բանգլադեշում մահապատժի են ենթարկել երկրի առաջին նախագահի մարդասպաններից մեկին
ՄիջազգայինԲանգլադեշում տեղի է ունեցել բանակի նախկին սպա Աբդուլա Մաջեդի մահապատիժը, որը մեղադրվում էր երկրի առաջին նախագահ Մուջիբուրա Ռախմանի սպանության մեջ, հաղորդում է BBC News-ը։
Մաջեդին կախել են երկրի մայրաքաղաք Դաքքայում։ Ավելի վաղ դատարանը մերժել էր ներում շնորհելու մասին միջնորդությունը։
Նա ձերբակալվել էր երեքշաբթի, սակայն գտնվում էր փախուստի մեջ 25 տարվա ընթացքում։
Սպաները, որոնք մասնակցել էին ռազմական հեղաշրջմանը, որի հետեւանքով սպանվել էր Ռախմանը, դատապարտվել էին մահապատժի 1998 թվականին։ Նրանցից 5-ը մահապատժի էր ենթարկվել 2009 թվականին։
Նախագահ Ռախմանը սպանվել էր 1975 թվականի օգոստոսի 15-ին Դաքքայի իր նստավայրում տիկնոջ, երեք որդիների, մյուս բարեկամների եւ ընտանիքի մտերիմների հետ միասին (շուրջ 20 մարդ)։ Ողջ են մնացել նրա երկու դստրերը, որոնք այդ պահին գտնվում էին Գերմանիայում, նրանցից մեկն այժմ գործող վարչապետ Շեյխ Հասինան է։
1
2
3
4
5
1
2
4
5
3
5
