Google ընկերությունը կթողարկի նոր վիրտուալ ստեղնաշար թույլ տեսնողների համար

Google ընկերությունը կթողարկի նոր վիրտուալ ստեղնաշար, որը թույլ կտա հավաքել տեքստային հաղորդագրություններ թույլ տեսնող մարդկանց համար առանց ինչ-որ հավելյալ սարքավորում միացնելու անհրաժեշտության։ Այդ գործառույթն օգտագործել կարելի է առնվազն 5.0. տարբերակով Android օպերացիոն համակարգով համալրված սարքավորումներով, գրում է Planet Today-ը։

Ստեղնաշարը հիմնված է վեց ստեղների ստանդարտ տեղակայման վրա, որոնցից յուրաքանչյուրը հենց ներկայացնում է Բրայլի վեց կետերից մեկը։ Սեղմելու դեպքում դրանք վերածվում են համապատասխան տառի կամ նշանի։ Օրինակ՝ «A» տառը նշելու համար օգտատերերը պետք է սեղմեն 1 թվին համապատասխան կոճակը, «B» տառի համար՝ տեղադրեն արդեն երկու կոչակ։

Ի սկզբանե անհրաժեշտ է միացնել հենց «TalkBack» գործառույթը, ինչը կարելի է անել բջջային սարքի կարգավորումների «Հատուկ հնարավորություններ» բաժնում։ Երբ այն կարգավորված է, կարելի է ակտիվացնել պարզապես երեք մատով՝ անցկացնելով դրանք էկրանի վրայով։

Հաղորդվում է, որ որ գործիքը կարող է կիրառվել Android համակարգում ցանկացած տեքստային դաշտի համար, ինչը նշանակում է, որ այն կիրառելի է հաղորդագրություններ, էլեկտրոնային նամակներ ուղարկելու կամ արագ խնդիրների համար։

Հարկ է նշել, որ, չնայած արդեն գոյություն ունի խնդրի ապարատային լուծումը, որը թույլ է տալիս թույլ տեսնող մարդկանց տպել բջջային հեռախոսներով, Google վիրտուալ ստեղնաշարի առավելությունն այն է, որ այն առաջարկում է օգտատերերին մուտքի արագ եւ պարզ միջոց առանց ֆիզիկական ստեղնաշարը միացնելու անհրաժեշտության, որն ինքնին բավականին ծավալուն է եւ անհարմար։

Google-ը հայտարարում է, որ ներկայումս նոր ստեղնաշարը կարող է գործառնել Android 5.0-ի կամ ավելի ուշ տարբերակի Android համակարգով սարքերի մեջ եւ կտարածվի այդ սարքում բոլոր հավելվածների վրա։ Այժմ այն ապահովում է Բրայլի 1 եւ 2 դասեր եւ ի սկզբանե հասանելի է անգլերենով։