Վրաստանի կառավարությունը կփակի մարտ, ապրիլ, մայիս ամիսների կոմունալ ծախսերը
ՄիջազգայինԱյն քաղաքացիները, ովքեր ամսական կօգտագործեն 200 կիլովատից քիչ էլեկտրաէներգիա և 200 խորանարդից քիչ բնական գազ, նրանց 3 ամսվա կոմունալ վճարումներն ամբողջությամբ կֆինանսավորվի պետության կողմից:
Jnews-ի փոխանցմամբ, կառավարությունը որոշում է ընդունել, ըստ որի՝ յուրաքանչյուր քաղաքացու համար, ով ամսվա ընթացքում կօգտագործի 200 կիլովատից քիչ էլեկտրոէներգիա և 200 մ/3-ից քիչ բնական գազ, երեք ամսվա ընթացքում՝ մարտ, ապրիլ, մայիս, ամբողջությամբ կֆինանսավորվի պետության կողմից: Այս մասին կորոնավիրուսի հարցով միջգերատեսչական խորհրդի նիստին ասել է Վրաստանի վարչապետ Գիորգի Գախարիան:
Կառավարության ղեկավարի խոսքով, ֆինանսավորումը ներառում է նաև աղբի և ջրի կոմունալ վճարումները:
«Սա վերաբերում է ինչպես աղբահաման, այնպես էլ ջրի վճարումներին: Այս օգնությունն ուղղակիորեն ուղղված է յուրաքանչյուր քաղաքացուն, սակայն մենք հասկանում ենք, որ սա բավական չէ: Մենք պետք է գտնենք բոլոր այն քաղաքացիներին որոնք կորցրել են իրենց աշխատանքն այս ամենի հետևանքով, որից հետո մենք կունենանք հստակ պայմանավորվածություններ նրանց անմիջական օգնության համար»,- հայտարարել է վարչապետը:
1
2
3
4
5
1
2
4
5
3
5
