Տուլայի համայնքային առաջնորդը մանրամասներ է հաղորդում Մոսկվա-Երեւան ավտոբուսի վթարից

Ռուսաստանի հայերիմիության Տուլայի տարածաշրջանային բաժանմունքինախագահ Ռաֆիկ Պապյանը չի բացառում, որ Մոսկվա-Երեւան ավտոբուսի վթարի պատճառ կարող է դարձած լինել վարորդի հեռախոսը։ Արմենպրես-ի հետ զրույցում նա նշում է, որ վթարի ենթարկված ավտոբուսի ուղեւորները պատմել են, որ հեռախոսազանգի պատճառով վարորդը թեքվել է, որպեսզի հատակից վերցնի հեռախոսն ու կորցնելով կառավարումը բախվել է ճամփեզրին եւ շուռ եկել: Պապյանը շեշտում է, որ դա դեռե ւս վարկած է, եւ պետք է սպասել մինչեւ ոստիկանությունը համապատասխան հետաքննություն անցկացնի: 

Պապյանի խոսքով, տեղի հայերն օգնություն են ցուցաբերում տուժած հայրենակիցներին եւ ձեռնարկվում են համապատասխան միջոցառումներ խնդիրները լուծելու համար: «Նրանք տարբեր հիվանդանոցներում են գտնվում: Բոլորն էլ վախեցած են: Նրանցից շատերի վիճակն այնքան էլ լավ չի: Շատերի ոտքերն են կոտրվել, շատերի ձեռքերն են վնասվել: Նրանց հետ աշխատում են բժիշկներ, հոգեբաններ: Անձամբ ինձ մի քանի անգամ զանգել է Ռուսաստանի հայերի միության նախագահ Արա Աբրահամյանը: Նա կարգադրել է, որ արվի հնարավոր ամեն ինչ` հարցերը լուծելու համար: Ներկա դրությամբ ժամանակավոր կացարանում կա 12 հոգի: Նրանք բոլորն էլ վախեցած են, անհանգստացած: Կա նաեւ մեքենա, և ցանկացած պահի, երբ նրանք ցանկանան, կվերադառնան Երեւան: Մենք հիմա հիվանդանոցից հիվանդանոց ենք անցնում, որպեսզի տեղեկանանք մեր հայրենակիցների առողջական վիճակի մասին»,- ասաց Ռաֆիկ Պապյանը` հավելելով, որ վթարի զոհերի թիվը 8-ն է:

Նոյեմբերի 3-ին` ժամը 04.44-ին ՌԴ ԱԻՆ ԱՃԿԿ-ից տեղեկատվություն է ստացվել, որ ժամը 03.08-ին Մ-4 դաշնային ավտոճանապարհի 220-րդ կմ-ում՝ Տուլայի տարածաշրջանի Ուզլովսկի շրջանի Իլյինկա գյուղի մոտակայքում Մոսկվա-Երևան երթուղու «Կինգ Դելյուքս» ՍՊԸ տրանսպորտայինընկերությանը պատկանող «Higer» մակնիշի 510 OP 61 պետհամարանիշով ավտոբուսը դեռևս չբացահայտված հանգամանքներում դուրս է եկելերթևեկելի մասից և շրջվել: ՃՏՊ-ի հետևանքով զոհվել է 8 քաղաքացի, որոնցից առայժմ հայտնի է միայն մեկի անունը` Սպարտակ ՑոլակիՆալբանդյան (ծնվ. 1947թ.): Տուժել է 43 ՀՀ քաղաքացի: