«Բարի Սամարացի» ընկերությունում սանիտարահիգիենիկ հարցերը առաջնային են

Մինչ երկիրը կսկսեր իր առաջին հակավիրուսային քայլերը նախաձեռնել և իրականացնել, մսամթերքի և կիսաֆաբրիկատների արտադրությամբ զբաղվող «Բարի Սամարացի» ընկերությունը ցուցաբերելով բարձր սոցիալական պատասխանատվություն, առաջին իսկ օրից հայտարարություն տարածեց, որ ընկերության աշխատակիցները աշխատանքի են գալիս սեփական տրանսպորտային միջոցներով, որոնք օրը երկու անգամ ախտահանվում են, իսկ արտադրամաս ներկայանալուց հետո բժիշկների կողմից, անխտիր, առողջական վիճակի ստուգման են ենթարկվում:

Նշենք նաև, որ «Բարի Սամարացի» ընկերության տնօրինությունը մշտապես առանձնահատուկ բծախնդրությամբ է վերաբերվել ինչպես տարածքի, հոսքագծերի ու օգտագործվող տեխնիկայի սանիտարական վիճակի մաքրության պահպանման, այնպես էլ աշխատակիցների առողջական վիճակին վերաբերող հարցերին:

Եվ նման խստացումը ամենևին էլ անակնկալ չէր ընկերության տնօրինության համար, այլ՝ սովորական առօրեական քայլ: Ինչ վերաբերում է լրացուցիչ սանիտարահիգիներիկ պայմանների խստացումներին, ապա դա նույնպես իրականացվեց հաշված րոպեների ընթացքում, քանի որ մինչ այդ էլ ընկերությունում ամենակարևորն ու առաջնայինը եղել է և շարունակում է մնալ սպառողի շահն ու անվտանգ և էկոլոգիապես մաքուր մսամթերք ու կիսաֆաբրիկատներ արտադրելը:

Այնպես որ, ինչպես նախկինում, այնպես էլ մեկուսացման ու ինքնամեկուսացման պայմաններում ընկերությունը շարունակում է կրկնակի պատասխանատվությամբ վերաբերվել բոլոր հարցերին, քանի որ սպառողին անվտանգ և էկոլոգիապես մաքուր մսամթերք մատակարարելը ոչ միայն «Բարի Սամարացի» ընկերության աշխատաոճն է, այլ հիմնադիրների արժանապատվության հարցը, ինչը երբեք էլ չի վրիպել խստապահանջ սպառողի աչքից: