Լաս Վեգասի խաղատները մեկ ամսով փակ կլինեն կորոնավիրուսի պատճառով
ՄիջազգայինԱՄՆ Նեւադա նահանգի (որտեղ գտնվում է իր խաղային հաստատություններով հայտնի Լաս Վեգաս քաղաքը) նահանգապետ Սթիվ Սիսոլակը երեքշաբթի կարգադրել է փակել իր տարածքում գտնվող բոլոր խաղատները, բարերը, ռեստորանները, մարզադահլիճները եւ զվարճանքի այլ հաստատությունները: Այս որոշմամբ քաղաքական գործիչը հույս ունի դադարեցնել կորոնավիրուսի տարածումը, հայտնում է ՏԱՍՍ-ը:
«Այսօրվա դրությամբ ակնհայտ է, որ անհրաժեշտ է լրացուցիչ միջոցներ ձեռնարկվել` այս երկրում մահացու վիրուսի տարածումը դանդաղեցնելու համար»,- մեջբերում է նահանգապետտի խոսքերը Associated Press-ը: Նա նշել է, որ զվարճանքի հաստատությունների գործունեությունը կդադարեցվի 30 օրով:
«Ես հայտարարեցի, որ բոլոր խաղային ավտոմատները մինչեւ կեսգիշեր կդադարեն աշխատել»,- իր կողմից անցկացվող համաժողովից հետո թվիթերյան իր էջին գրել է նահանգապետը:
Ըստ AP- ի` ներկայումս Նեւադայում հաստատվել է կորոնավիրուսով վարակման ավելի քան 50 դեպք:
1
2
3
4
5
1
2
3
4
2
3
5
