Բրազիլիայի նախագահը կորոնավիրուսի ախտորոշման կրկնակի ստուգում կանցնի. լրատվամիջոց
ՄիջազգայինԲրազիլիայի նախագահ Ժաիր Բոլսոնարուն կորոնավիրուսի ախտորոշման կրկնակի թեստ կանցնի, հայտնում է Reuters-ը՝ վկայակոչելով Estado de S.Paulo պարբերականը:
Պարբերականը նշում է, որ ստուգումը կանցկացվի հաջորդ շաբաթ՝ Բոլսոնարուի մոտ կորոնավիրուսի առկայությունը կամ բացակայությունը ստույգ պարզելու նպատակով:
Բրազիլիայի նախագահի գրասենյակից այս տեղեկությունը դեռեւս չեն մեկնաբանում:
Հիշեցնենք, որ լրատվամիջոցները հայտնել էին Բրազիլիայի նախագահ Ժաիր Բոլսոնարուի հետ հանդիպումից հետո Մայամիի քաղաքապետ Ֆրենսիս Սուարեզի կորոնավիրուսով վարակվելու մասին:
Դրանից հետո Բոլսոնարուի հետ հանդիպել է նաեւ ԱՄՆ նախագահ Դոնալդ Թրամփը:
Ավելի վաղ O Dia պարբերականը, վկայակոչելով կառավարությունում աղբյուրներին, հայտնել էր, որ Բոլսոնարուի առաջին թեստը դրական արդյունք է ունեցել: Այնուհետեւ նախագահի Facebook-յան էջում հաղորդագրություն էր հրապարակվել, որ թեստի արդյունքը բացասական է:
1
2
3
4
5
1
2
3
4
2
3
5
