Ի՞նչ դերով Լիլիթ Սարգսյանը կներկայանա «Սիրուն Սոնա» սերիալում
PhotoԵրիտասարդ դերասանուհի Լիլիթ Սարգսյանը, որին հեռուստադիտողը կհիշի «Պատվից առավել» սերիալից, կրկին վերադարձել է նկարահանման հրապարակ: Նոր առաջարկի մասին նա պատմել է BRAVO.am-ին:
«Սիրուն Սոնա» սերիալում նկարահանվելու առաջարկը Լիլիթը ստացել է նախագծի պրոդյուսեր, ռեժիսոր Ելենա Արշակյանից եւ սիրով համաձայնել է կրկին աշխատել նրա թիմի հետ.«Շատ պատահական ստացա առաջարկը եւ ուրախ եմ, որ աշխատելու եմ ինձ հարազատ մարդկանց հետ: Այս ընթացքում այլ առաջարկ եղել է, բայց չեմ ընդունել»:
Դերասանուհին կմարմնավորի գլխավոր հերոսուհու՝ Սոնայի ընկերուհու կերպարը. «Կարծում եմ՝ Եվայի կերպարից բավական կտարբերվի: Հուսով եմ՝ այս կերպարը հեռուստադիտողին ավելի դուր կգա, ինձ համար էլ հնարավորություն է այլ կերպ դրսեւորվել: Կերպարիս անունը Հակինթ է, իսկ հիմնական խաղընկերս Շուշաննա Թովմասյանն է»,-եզրափակել է նա:
Տեքստը՝ Արեւիկ Իսաջանյանի /Bravo.am/
Լուսանկարները՝ Լիլիթ Սարգսյանի անձնական արխիվից
1
2
3
4
5
1
2
3
4
5
1
2
3
5
