Երաշխավորում եմ, որ մարդասպանի դատավարությունը կանցկացվի համաձայն բոլոր միջազգային իրավական նորմերի. Արման Աբովյան
Ուշադրության կենտրոնումԱյսօր ադրբեջանցի ռազմական հանցագործ Ռամիլ Սաֆարովի կողմից գազանաբար իրականացված ոճրագործության տարելիցն է: Այս մասին նախօրեին երեկոյան Facebook-ի իր էջում գրել է ԲՀԿ խմբակցության քարտուղար Արման Աբովյանը:
Նա, մասնավորապես, նշել է. «2004թ փետրվարի 19-ին Բուդապեշտում ընթացող ՆԱՏՕ-ի իրականացրած ռազմական դասընթացների ընթացքում հայ սպա Գուրգեն Մարգարյանը սպանվեց ադրբեջանցի սպա Ռամիլ Սաֆարովի ձեռքով: Գուրգեն Մարգարյանը սպանվեց քնած ժամանակ, ադրբեջանցի սպա Սաֆարովը կացնահարել էր հայի գյուխը:
Հունգարական դատարանը ադրբեջանցի սպա Ռամիլ Սաֆարովին դատապարտել էր ցմահ ազատազրկման,բայց 8 տարի անց նա հանձնվեց Բաքվին: Ադրբեջանում սպա Սաֆարովն անմիջապես ազատ արձակվեց, նրան դիմավորեցին իբրև հերոս, բարձացնելով կոչումը` վճարեցին նաև 8 տարվա աշխատավարձը: Քնած հայի սպանության համար Ռամիլ Սաֆարովը ճանաչվեց Ադրբեջանի ժողովրդական հերոս: Նրա մասին գրքեր են գրում,օրինակ են բերում` որպես ադրբեջանական հերոս:
Ահա, թե ինչ պետք է իմանալ Ադրբեջանի իրական իրավիճակի մասին:
Հ.Գ. Հայ և ադրբեջանցի ժողովրդի խաղաղության նախապատրաստման խորագրի ներքո` առաջարկում եմ Ադրբեջանի իշխանություններին, որ իրենք հանձնեն Ռամիլ Սաֆարովին Հայաստանի Հանրապետությանը `գազանաբարո սպանության արդար դատավճիռը կայացնելու համար: Ես` որպես Հայաստանի Խորհրդարանի պատգամավոր, երաշխավորում եմ, որ մարդասպանի դատավարությունը կանցկացվի համաձայն բոլոր միջազգային իրավական նորմերի, ինչպես նաև կապահովվի իրավապաշտպանի անհրաժեշտ աջակցությունը»:
1
2
3
4
5
1
2
3
4
5
1
3
4
