Չինաստանի բանակը լրացուցիչ Ուհան է ուղարկել 2,6 հազար բուժաշխատողների
ՄիջազգայինՉինաստանի ժողովրդաազատագրական բանակը նոր կորոնավիրուսի դեմ պայքարելու համար լրացուցիչ Ուհան է ուղարկել 2,6 հազար ռազմական բուժաշխատողների, որտեղ բռնկվել է Չինաստանում թոքաբորբի ամենահզոր բռնկումը, հայտնում է Չինաստանի Կենտրոնական հեռուստատեսությունը:
Արդեն ժամանել են առաջին 1,4 հազար մարդիկ եւ սկսում են աշխատանքը: Վիրուսի տարածման ամբողջ ժամանակահատվածում բանակը Ուհան է ուղարկել ընդհանուր 4 հազար բժիշկների եւ բուժքույրերի:
Ըստ վերջին տեղեկությունների՝ Ուհանում կորոնավիրուսով վարակվածների թիվն անցնում է 32,9 հազարից, մահացել է հազար մարդ, առողջացել 1078-ը:
Նոր կորոնավիրուսի հարուցած հիվանդության բռնկումը գրանցվել է անցյալ տարվա դեկտեմբերին Ուհան քաղաքում: Առողջապահության համաշխարհային կազմակերպությունը այն ճանաչել է միջազգային մասշտաբի արտակարգ իրավիճակ՝ բնորոշելով որպես բազմաթիվ օջախներով համաճարակ: Չինաստանի սահմաններից դուրս հիվանդությունը հայտնաբերվել է 24 երկրներում, ներառյալ Ռուսաստանում: Չինաստանի Կենտրոնական հեռուստատեսությունը նշում է, որ հաստատված է նոր կորոնավիրուսով վարակման 44,8 հազար դեպք, վարակվածներից 1,1 հազարից ավելին մահացել է, առողջացել գրեթե 47,8 հազարը:
1
2
3
4
5
1
2
3
4
5
2
