Այսօր Գիտության և հումանիզմի միջազգային օրն է
HeaderԳիտության եւ հումանիզմի միջազգային օրը կամ Դարվինի օրը, որը նվիրված է հայտնի անգլիացի գիտնականի ծննդյան օրվան, ամեն տարի նշվում է փետրվարի 12-ին։
Չարլզ Դարվինը բնական ընտրության տեսության, ինչպես նաեւ էվոլյուցիայի եւ մարդու առաջացման տեսությունների հիմնադիրն է։ Նա 19-րդ դարի գիտության վառ ներկայացուցիչներից է, իսկ նրա տեսությունը դեռեւս գիտնականի կյանքի օրոք գնահատվել է որպես գիտական հեղաշրջում։
1990-ականներին ԱՄՆ համալսարանական շրջանակներում տոնի հիմնադրման գաղափարը հանրահայտ էր դարձել, սակայն իրականացվեց այն միայն 2001թ․։ Այն ժամանակ դա գրանցվեց «Դարվինի օրվա ծրագիր» ՀԿ-ի ակտիվիստներ Ամանդա Չեսվորթի եւ Ռոբերտ Սթիվենսոնի կողմից։ Հետագայում ստեղծվեց Դարվինի միջազգային օրվա հիմնադրամ, որը նպաստում է դարվինիզմի գաղափարների, ինչպես նաեւ կրթական նյութերի տարածմանը։
Այդ ժամանակվանից Դարվինի օրը նշվում է աշխարհի շատ երկրների բուհերում։ Սակայն սկզբում տոնակատարությունները ինքնաբուխ բնույթ էին կրում, երբ այս կամ այն ուսումնական հաստատությունում մեծ գիտնականի ծննդյան օրվան նվիրված միջոցառումներ էին կազմակերպվում։ Չնայած նրան, որ վերջին տարիներին Դարվինի էվոլյուցիայի տեսությունը հաճախ է քննադատության ենթարկվում, տոնը նշելու աշխարհագրությունը ավելի է ընդլայնվում։ Այն իսկապես միջազգային է դարձել։
Օրվա տոնակատարության գաղափարը առաջին հերթին սատարել էին գիտական շրջանակներում, քանի որ տոնը ուղղված է ոչ միայն Դարվինի հայտնագործությունների մեծարմանը, այլեւ գիտության հանրահռչակմանը։ Այդ պատճառով կա նաեւ երկրորդ անվանումը՝ Գիտության եւ հումանիզմի միջազգային օր։
1
2
3
4
5
1
2
3
4
2
3
5
