Արծվիկ Մինասյանի ախպերը խեղաթյուրում եւ կեղծում Հայաստանի անկախացման պատմությունը

Հրանտ Տեր-Աբրահամյանը ֆեյսբուքյան իր էջում գրում է .

Դաշնակցությունը պաշտպանելը, մանավանդ, իր այսօրվա (նկատի ունեմ ե՛ւ հենց այսօրվա, ե՛ւ ընդհանրապես վերջին 2 տասնամյակի) դիրքով մտքիս ծայրով իսկ չի անցնում, բայց դաշնակներին լեզու տալ ավելի լավ տարբերակ դժվար է հորինել, քան Առաջին Հանրապետության խնդիրների քննարկումը զուտ գիտական դաշտից ընթացիկ քաղաքական օրակարգ բերելը: Անհեթեթ ու մանկամիտ է պատկերացնել, որ 100 տարի է ինչ գոյություն ունի միեւնույն Դաշնակցությունը, կամ ցանկացած այլ 100-ամյա կուսակցություն: Առնվազն 3 տարբեր Դաշնակցություններ կան՝ մինչեւ 1921 թ.-ը՝ հայկական հասարակության հիմնական քաղաքական ուժ ՀՅԴ-ն իր բոլոր թերություններով ու առավելություններով հանդերձ (որոնք բոլորն էլ արտահայտիչն են այն ժամանակվա հայ հասարակությանն ընդհանրապես), ապա Սփյուռքում գործող Դաշնացությունը, եւ վերջապես 1990-ականներից նորից Հայաստանում գործող Դաշնակցությունը: Ոչ թե սրանից մեկն ավելի լավն է, մյուսն ավելի վատ՝ այլ երեք տարբեր պատմական էպոխաներում գործող երեք տարբեր քաղաքական միավորներ են՝ տարբեր իրենց դերով, դիրքով եւ իրականում նույնիսկ գաղափարաբանությամբ: Առաջին երկու

Դաշնակցությունների հարցն արդեն պատմաբանների, այլ ոչ թե հրապարակոսության կամ քաղաքական գործիչների խնդիրն է: Իսկ եթե ուզում ենք դաշնակներին "գլոբալ" մեղադրանք ներկայացնել, պետք է ոչ թե Առաջին Հանրապետություննն իրենց երեսով տանք, այլ հարցնենք, թե ինչո՞ւ է այսօր, օրինակ, Արծվիկ Մինասյանի ախպերը խեղաթյուրում եւ կեղծում Հայաստանի անկախացման պատմությունը նույն ոճով ու նույն մեթոդով ինչ բոլշեւիկները կեղծում էին Առաջին Հանրապետության պատմությունը, եւ նման այլ հարցեր: