Սրտաբանները ներկայացրել են միակ քաղցրավենիքը, որը կարող է օգտակար լինել սրտամկանի համար

Քաղցրավենիքն առհասարակ համարվում է ոչ այնքան օգտակար մթերք, սակայն մասնագետները ներկայացրել են քաղցրավենիքի մի տեսակ, որը կարող է շատ օգտակար լինել սրտանոթային համակարգի համար: Ինչպես գրում է actualnews.org կայքը, Սննդամթերքի անվտանգության եվրոպական կենտրոնի մասնագետները խորհուրդ են տալիս օրական մոտ 10 գրամ մուգ շոկոլադ ուտել արյունատար անոթներն ավելի պիրկ դարձնելու համար:

Կենտրոնի փորձագետների կարծիքով՝ սրտի հիվանդությունների բուժման ժամանակ հարկավոր է ոչ միայն դեղորայք ընդունել, այլև լուրջ ուշադրություն դարձնել սննդակարգին: Մասնագետներն ընդգծում են, որ սննդակարգը վերահսկողության տակ պահելը բավական հեշտ է. պարզապես հարկավոր է խուսափել խիստ դիետաներից, կազմել բալանսավորված սննդակարգ, հետրևել նորմային ու չչարաշահել քաղցր մթերքը:

Եթե քաղցր ուտելու ցանկությունը չափազանց ուժգին է, ապա կարելի է բացառություն անել ու մի կտոր մուգ շոկոլադ ուտել, որը բարենպաստ ազդեցություն է ունենում արյունատար անոթների պրկության վրա: Շոկոլադը պարունակում է կակաո ֆլավոնոիդ, որի շնորհիվ նպաստում է սրտամկանի առողջության պահպանմանը: Բացի այդ, այս նյութերը բարձրացնում են արյան մակարդելիությունը, նվազեցնում են զարկերակների աղտոտման մակարդակը և կանխում են թրոմբների առաջացումը:

Միևնույն ժամանակ մասնագետները նախազգուշացնում են, որ որոշ դեպքերում շոկոլադը կարող է հակացուցված լինել, ուստի մինչ այն օգտագործելը խորհուրդ է տրվում նախապես խորհրդակցել բժշկի հետ: