Որոնք են արգանդի վզիկի քաղցկեղի մասին հուշող առաջին ախտանշանները
LifeԱրգանդի վզիկի քաղցկեղը կանանց շրջանում այս հիվանդության ամենատարածված տեսակներից մեկն է: Սա դասվում է այն հիվանդությունների շարքին, որոնց վաղ ախտորոշումը զգալիորեն բարձրացնում է բարեհաջող բուժման հավանականությունը, ուստի մասնագետները ներկայացրել են՝ որոնք են արգանդի վզիկի քաղցկեղի զարգացման մասին հուշող առաջին ախտանշանները: Այս ախտանշաններն իմանալը թույլ կտա ժամանակին հայտնաբերել խնդիրն ու միջոցներ ձեռնարկել դրանից ազատվելու համար:
Առաջին հերթին մասնագետներն ընդգծում են այն փաստը, որ արգանդի վզիկի քաղցկեղի դեպքերի ճնշող մեծամասնությունը զարգանում է մարդու պապիլոմավիրուսի հետևանքով, որն էլ փոխանցվում է սեռական ճանապարհով: Գերմանական բժկական ընկերակցության մասնագետների խոսքով՝ զարգացման վաղ փուլերում քաղցկեղի այս տեսակի դեպքում վառ ախտանշանները գրեթե բացակայում են, սակայն լինում են որոշ նախանշաններ, որոնք հուշում են բուժզննում անցնելու անհրաժեշտության մասին: Նման ախտանշանների շարքին են դասվում անոմալ արյունահոսությունները, որոնք կարող են ի հայտ գալ, օրինակ, սեռական ակտից հետո: Ընդ որում՝ նման անոմալ արյունահոսություններ կարող են նկատվել անգամ դաշտանադադարից հետո, ուստի հարկավոր է շատ զգոն լինել:
Բացի այդ, անհանգստանալու բավական լուրջ պատճառ են հանդիսանում նաև ցավոտ զգացողությունները միզազատության կամ դեֆեկացիայի ժամանակ:
Բժշկի հետ խորհրդակցելու պատճառ են նաև երկարատև դաշտանային արյունահոսությունները: Սա է պատճառը, որ եթե արյունահոսությունը չի դադարում ավելի քան յոթ օր, ապա հարկավոր է անհապաղ դիմել մասնագետին լուրջ հետևանքներից խուսափելու համար:
Բացի այդ, արգանդի վզիկի քաղցկեղի ախտանշանների շարքին են դասվում նաև որովայնի ստորին հատվածի կամ կոնքի ցավը, ինչպես նաև արտասովոր մարմնագույն արտադրությունը, ուստի նման ախտանշանները ոչ մի դեպքում չի կարելի անտեսել:
1
2
3
4
5
1
2
3
4
5
2
