ՀՀ պատանի շախմատիստներից 8-ը 100 տոկոսանոց արդյունքով առաջատարների խմբում են

Արամ Ուգուջյանը ֆեյսբուքյան իր էջում գրում է .

Հունաստանի Հալկիդիկի թերակղզում գտնվող Պորտո Կարրաս ծովափնյա գունագեղ ու գեղեցիկ փոքրիկ քաղաքում հոկտեմբերի 25-ին մեկնարկել է 8-18 տարեկան աղջիկների և տղաների շախմատի աշխարհի առաջնությունը: 

Տարիքային 6 խմբերի՝ մինչև 8՝ Մ8, Մ10, Մ12, Մ14, Մ16 և Մ18 մրցաշարերին մասնակցում են ընդհանուր առմամբ 92 երկրի 1578 մարզիկներ, այդ թվում՝ 960 շախմատիստ ու 618 շախմատիստուհի: Կարևորագույն այս ստուգատեսին ՀՀ պատանեկան հավաքականի գլխավոր մարզիչ, շախմատի համաշխարհային օլիմպիադաների կրկնակի չեմպիոն, գրոսմայստեր Արտաշես Մինասյանի ղեկավարությամբ տարբեր տարիքային խմբերում հանդես են գալիս Հայաստանի 27 պատվիրակներ՝ 19 շախմատիստ և 8 շախմատիստուհի:
Երեկ 2-րդ տուրում ՀՀ ներկայացուցիչներն ընդհանուր առմամբ 15 հաղթանակ են տարել, 4 ոչ-ոքի խաղացին և 8 պարտություն կրեցին: 

Իրենց տարիքային խմբերում 2-ական միավոր են վաստակել ու առաջատարների շարքում են մեր պատվիրակներից Հայկ Մ.Մարտիրոսյանը (Մ16), Արամ Հակոբյանը (Մ14), Մամիկոն Ղարիբյանը և Գոռ Սեյրանյանը (երկուսն էլ Մ12), Արսեն Դավթյանը (Մ10), Ռոբերտ Փիլիփոսյանը (Մ8), իսկ աղջիկներից էլ՝ Արփինե Գրիգորյանն (Մ12) ու Մանե Հովհաննիսյանը (Մ12):

Այսօր կկայանան հերթական՝ 3-րդ տուրի հանդիպումները: 
Շվեյցարական մրցակարգով՝ 11տուրով ընթացող այս ստուգատեսում աշխարհի չեմպիոնները հայտնի կդառնան նոյեմբերի 5-ին: Նկատենք նաև, որ հոկտեմբերի 30-ին առաջնությունում հանգստյան օր է: 
Հայաստանը ներկայացնող շախմատիստների արդյունքներին կարող եք հետևել այստեղ՝